MATIYO 5:10 - Ha`bari Ndjema ya I Maore

¹⁰ Furaha ha wao watreswao ha siɓaɓu ya ihaki, mana Utawalizi wa Monyewe ziMbingu, uwo wawo.

MATIYO 5:10 ပူးပေါင်းရင်းမြစ်များ

MATIYO 10:23

Mwamotreswa hari mwa ɗago, namutrale hari mwa langina. Nisumuambiani ha kweli, kamutsomalidza uv̄ira yamalago ya Israila, kaɓula ya uMwana wa Mwanadamu uja.

MATIYO 19:14

Sa ile Insa arongoa: «Namulishe uwanatsa, musuwaɓalidze waja wanipara; mana Utawalizi wa Monyewe ziMbingu, wa watru mauri ɗe wao.»

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

MATIYO 5:3

«Furaha ha wao wadzijuao na usikini wa roho, mana Utawalizi wa Monyewe ziMbingu, uwo wawo.

MARKUSI 10:14

Uona yahe trongo ile, Insa atukiwa, awaambia: «Namulishe wanatsa wanijiliye, wala musuwaziye; mana Utawalizi wa Mungu, uwo wa watru walio mauri ɗe wao.

MARKUSI 10:30

uwo atsopara mara miya zaidi hari mwa wakati unu nyumba, wananya watruɓaɓa na watrumama, wamama, wana, na mazamba, v̄umoja na matreso, na wakati ujao meso oho, uhayati mukamilifu wa daima.

LUKASI 21:12

Ɓadi kaɓula ya v̄av̄o, watru watsomusikani, watsomutresani, wamuv̄eleheni moni na ziNyumba za Uswali, wamutriyeni shiv̄ani; mutsov̄ingwa mbeli za mafalume na mawakala ha siɓaɓu ya lidzina langu.

LUKASI 22:29

Iyo ɗe imana nimutakaɓadhiaoni utawalizi, mauri ɗe iheli Ɓaɓangu anitakaɓadhiawo,

LUKASI 6:20

Ɓas, Insa adzulia matso maswihaɓa yahe, arongoa: «Furaha ha wanyu mulio masikini, mana Utawalizi wa Mungu wanyu.

LUKASI 6:22

Furaha ha wanyu watru wamomuengani, au wamomutengani, au wamomuruhanani, au wamohetsi dzina lanyu amba ɓovu ha siɓaɓu ya uMwana wa Mwanadamu.

YUHANI 15:20

Namunahane urongozi namuambianiwo: ‹Murumishi tsi muɓole rahana murumisa wahe.› Neka wanitrese, watsomutresani wajau. Na neka watuĩ urongozi wangu, watsotuĩ wajau wanyu.

MAV̄INGIZI-RISALA 5:40

Waɗungishia marongozi yahe yale, amwesa wahiri yaMav̄ingizi-Risala yale, wawareme zengwe ha kusudi, wawaɓalidza wasulaguwe ha lidzina la Insa, amwesa wawajeledza.

MAV̄INGIZI-RISALA 8:1

Na Saulusu akuɓali umuangamidzio wa Etiyeni. iSuku ile, treso ɓole lingilia iDjama Ndziwaminifu ya Yerusalemu na piyawo, ila ɗe yaMav̄ingizi-Risala, watsambadziha hari mwa maɓavu ya Yudeya na Samariya.

2 MAKORINTIYO 4:17

Mana zitaãɓu ndzangu za leo ziriparao, zisuridzalia ha indadi kaina mupaka utukufu wa daima.

MAFILIPI 1:28

ɓila udzilisha murisidziwe na itsokao yotsi na wao walio kinyume. Hawo uwo udhiɓitifu wa uangamifu, ɓadi yahusu wanyu, wa uhuyifu; na iyo isulawa ha Mungu.

2 TIMUTAUSU 2:12

neka risustahamili, ritsotawala wajau v̄umoja na waye. Neka risumuhara, waye wajau atsorihara;

2 TIMUTAUSU 3:11

matreso, na maondo yalio amba tsiyapara Antiyokiya, Ikoniyumu na Listra. Matreso jeje nayav̄ira! Na hari mwa piyawo Raɓi anikomboa.

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

YAKOƁU 5:11

Wasi urongoa amba waɓarikishiha wao wastahamili. Mukia amba v̄urongolwa ustahamilifu wa Ayuɓa, tsena muono umwiso Mola amudjaãliawo, kiasi Mola aliona urehema na poreho ha uwengi.

1 YUHANI 3:12

Rasuke mauri Kayinu, alio amba aka wa uMovu|Movu, tsena amuula mwananyahe. Na manatrini amuula? Mana zitrendro zahe zika mbovu, na za mwananyahe zika za haki.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.