MATIYO 4:23 - Ha`bari Ndjema ya I Maore

²³ Insa akov̄ira hari mwa piya iGalilaya ha usomedza moni na ziNyumba za Uswali, na ujudza iHaɓari Ndjema ya Utawalizi wa Mungu; tsena akozihira kula uwaɗe na shifeli watru wakanazo.

MATIYO 4:23 ပူးပေါင်းရင်းမြစ်များ

MATIYO 11:5

wafa-matso wasuona, magoɓo yasurengelea uendra, waenefu wasutwaharishiha, wafa-makio wasukia, wafu wasuregezewa hayi, na iHaɓari Ndjema isujudziwa zimasikini.

MATIYO 12:9

Insa alawa v̄ale, angia moni na iNyumba ya Uswali yawo.

MATIYO 13:19

Mutru akiao urongozi wa Utawalizi wala kauelewa, uMovu|Movu uja utoa izo aka atrilwazo rohoni hahe: uwo ɗe umufano wa ule apara yamaela wangoni na indzia.

MATIYO 13:54

Andre hari mwa liɗago lahe, akosomedza moni na iNyumba ya Uswali yawo, ha namuna amba watru waka v̄ale, wakoshanga ata wakodzisana: «Imulawia hav̄i hikima ini na midjuza zini?

MATIYO 14:14

Wakati Insa ashuka djahazini v̄ale ata aona idunia ile, aremwa na poreho nayo, amwesa azihira wawaɗe wawo.

MATIYO 24:14

iHaɓari Ndjema ini ya Utawalizi itsotekelezewa hari mwa ulemengu kamili, ile ike ushahidi ha piya zinishani; v̄av̄o iv̄o ɗe umwiso utsojao.»

MATIYO 3:2

ha urongoa: «Namwendre toɓa, mana Utawalizi wa Monyewe ziMbingu, ukuruɓia.»

MATIYO 9:35

Insa akov̄iria piya yamalago maɓole na matiti na usomedza moni na ziNyumba za Uswali zawo. Akojudza iHaɓari Ndjema ya Utawalizi wa Mungu, na uzihira kula uwaɗe, na zifeli za kula namuna.

MARKUSI 1:14

Ɓaanda ya Yahaya ufungwa, Insa andre Galilaya, akojudza iHaɓari Ndjema ya Mungu.

MARKUSI 1:21

Wawaswili ɗagoni Kafarnaumu, na iSuku ya Uv̄umuzi uja yayo, Insa angia moni na iNyumba ya Uswali, akosomedza.

MARKUSI 1:39

Ɓas, andre aĩdhia moni na ziNyumba za Uswali hari mwa piya iGalilaya, tsena atowo mazetwani.

MARKUSI 3:10

Mana ha iv̄o akozihira watru wengi, piya wao wakana maradhi wakosukumana ile wapare wamuɓambe.

MARKUSI 6:2

iSuku ya Uv̄umuzi|Suku ya Uv̄umuzi ungia yayo, aandrisa usomedza moni na iNyumba ya Uswali. Wengi wa watru wakomukia, wakoshanga na urongoa: «Ĩlimu ini isumulawia hav̄i? Ini hikima jeje av̄olwayo? Na ha namuna jeje midjuza mauri ɗe zini zifanyihao ha yimihono yahe?

MARKUSI 6:6

Na waye akoshanga iv̄o kawakomuamini. Amwesa Insa akov̄iria malago djirani na usomedza.

LUKASI 10:9

Namuzihire wawaɗe watsokao v̄ale, tsena muwaambiye: ‹Utawalizi wa Mungu umukuruɓiani.›

LUKASI 13:10

V̄uka Suku ya Uv̄umuzi, Insa akosomedza moni mwa Nyumba ya Uswali.

LUKASI 16:16

«Wakati wa iSharia na yimiangishio ya yimitrume uka ata upara Yahaya. Rangu v̄av̄o Utawalizi wa Mungu ujudziwa, na kula mutru asurumia nguvu ile aungiye.

LUKASI 20:1

Suku mengoni mwa suku, wakati Insa aka ju la usomedza watru na uwajudza iHaɓari Ndjema moni na iNyumba Ndzitwaharifu, yaMatolezi Maɓole ya Masadaka, Mafundi ya Sharia na uwatru waɓole waja wamupara,

LUKASI 4:14

Ɓaanda ya v̄ale, Insa ikao amba ajaya ushindzi wa iRoho Ndzitwaharifu, arudi Galilaya. Na sifa zahe zika zitsanyiha hari mwa piya mura ule.

LUKASI 5:17

Suku, Insa akosomedza. Watru wa ishama ya dini ya Mafarisayo na Mafundi ya Sharia waka walawa hari mwa piya yamalago ya Galilaya, ya Yudeya, na Yerusalemu, waka waketsi v̄ale. Na ushindzi wa Mola wakov̄enuha ha mazihiro.

LUKASI 6:17

Ashuku na wao, ata amopara ɓandraju, azia. Na hule v̄uka dunia ya watru wahe, tsena dunia nyengi ya piya iYudeya, Yerusalemu, na ziɓandari za Tiro na Sidoni.

LUKASI 6:6

V̄uka tsena Suku ya Uv̄umuzi yangina, Insa angia moni na iNyumba ya Uswali, akosomedza. Moni hule v̄uka mutru aka afa umuhono wa hume.

LUKASI 7:21

Na wakati ɗe uwo ule, Insa azihira watru wengi wendza mawaɗe, wendza zifeli, wendza madjini ya peu, tsena wafa-matso wengi awazihira waone.

LUKASI 7:22

Ɓas, sa ile Insa awaambia: «Namwendre mwamuambiye Yahaya izo mwaziona na uzikia. Wafa-matso wasuona, magoɓo yarengelea uendra, waenefu watwaharishiwa, wafa-makio wasukia, wafu wasuregezewa hayi, na iHaɓari Ndjema isujudziwa ha zimasikini.

LUKASI 8:1

Ɓaanda ya v̄ale Insa akwendra hari mwa kula ɗago, rangu ɓole ata titi, na ujudza iHaɓari Ndjema ya Utawalizi wa Mungu. Na watru kumi na waili wale waka na waye.

LUKASI 9:11

Ɓadi idunia ujua yawo, wamuɗungu. Insa awarenge ha uzuri, amwesa akowaeledza Utawalizi wa Mungu, na uzihira wao wakotsaha wazihiriwe.

LUKASI 9:60

Sa ile Insa amuambia: «Lisha uwafu wadzihe wafu wawo. Ɓadi wawe, endra wajudze Utawalizi wa Mungu.»

YUHANI 18:20

Insa amudjiɓu: «Tsilagua ha hadhwira na idunia. Ha dahari nakosomedza moni na Nyumba ya Uswali, na iNyumba Ndzitwaharifu, v̄ahanu piya Mayahudi yangulidzanao, tsena tsarongoa ata trongo sirini.

YUHANI 6:59

Insa arongoa trongo zile wakati akosomedza moni na iNyumba ya Uswali ɗagoni Kafarnaumu.

YUHANI 7:1

Ɓaanda ya v̄ale, Insa akozingidzia iGalilaya. Kakotsaha angia na ulawa hari mwa iYudeya, mana Mayahudi wakotsaha wamuule.

MAV̄INGIZI-RISALA 10:38

Musujua namuna Mungu amutsahua Insa wa Nazareti na umuenedza iRoho Ndzitwaharifu na ushindzi, na namuna akwendra ha urendra ndjema na uzihira piya wao waka watawaliwa na Iɓilisa, mana Mungu aka na waye.

MAV̄INGIZI-RISALA 18:4

Kula Suku ya Uv̄umuzi Ɓaulusu akoka hari mwa mahadisi moni na iNyumba ya Uswali na udjereɓu ayakinishe Mayahudi na Magiriki.

MAV̄INGIZI-RISALA 20:25

Ulawa v̄anu nisujua amba kamutsoona tsena isura yangu, wanyu piyanyu mulio amba tsiv̄iri hari mwanyu ha ujudza uUtawalizi wa Mungu.

MAV̄INGIZI-RISALA 28:31

Akojudza uUtawalizi wa Mungu na usomedza zapatana na Raɓi Insa-Kristi ha uhodari watsimu, ɓila udhuri utsokao yotsi.

MAROMU 10:15

Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio: «Kweli amba yistawi yimindru ya wao wajudzao haɓari ndjema!»