MATIYO 28:9 - Ha`bari Ndjema ya I Maore

⁹ Sa na isa ile kamwe Insa aja awapara, awaambia: «Tsimusalimuni!» Ɓas, watruwashe wale watsengelea, wamusiki yimindru, amwesa wamusudjudia.

MATIYO 28:9 ပူးပေါင်းရင်းမြစ်များ

MATIYO 14:33

Wale waka moni na lidjahazi wamunyamisia na urongoa: «Kweli, wawe ɗe uMwana wa Mungu.»

MATIYO 23:7

tsena, wao uv̄endza wayeziwe ha hishima shandzahariju, na uhiriwa na wanadamu amba fundi.

MATIYO 28:10

Wakati ule Insa awaambia: «Mwasuriye; namwendre mwaambiye wananyangu wandre Galilaya; oho ɗe v̄ahanu watsonionao.»

MATIYO 28:17

Umuona yawo, wamusudjudia, ɓadi v̄wa wasalia wakana taradudu.

MATIYO 28:8

Ha upesi walawa kaɓurini v̄ale, v̄umoja na faza tsena na furaha ɓole wareme mbio wajudze yamaswihaɓa haɓari ile.

LUKASI 1:28

Malayika ile ingia hahe, imuambia: «Tsihusalimu, wawe waneemeshewa. Mola a na wawe.»

LUKASI 24:52

Na wao ɓaanda wamuãɓudu, waregea Yerusalemu na furaha ɓole.

LUKASI 7:38

ahimi nyuma na Insa mindruni hahe, alili ata matsozi yahe yakoandrisa uyilodza. Ayiv̄angua ha zinyole zahe, ayiɓusu, amwesa ayiv̄aha marashi.

YUHANI 12:3

Ɓas, Mariama arenge shiv̄imo ya marashi ya nardo yendza thamani ɓole, kayatsanganisiwa na shitru yangina, ayatria mindruni ha Insa, amwesa ayiv̄angua ha zinyole zahe; na inyumba ika ijaya harufu ya yamarashi.

YUHANI 20:19

Mahariɓi ya isuku ya handra ya umufumo, yimilongo ya v̄ahanu maswihaɓa waka wangulidzana yika yiɓalwa, ha siɓaɓu ya trisidzo lawo na yaMayahudi. Sa ile Insa aja, ahimi hari mwawo, awaambia: «Salama ju lanyu!»

YUHANI 20:28

Sa ile Tomasi amudjiɓu: «Raɓi wangu, tsena Mungu wangu!»

2 MAKORINTIYO 13:11

Zaɓaki v̄av̄o wananyangu, namufurahi, mukusudiye ukamilifu, namutriane ɓari, muke na nia moja, namuẽshi hari mwa amani. Na Mungu Monyewe uv̄endza na utrulivu atsoka v̄umoja na wanyu.

MUV̄ENULIO 3:9

Nitsohuv̄a ɓaãdhwi ya watru wa idjama iãɓuduo Shetwani wadzihirao Mayahudi, wala kawasi: wasurongoa trambo. Tsami nisuwav̄eleha waje wavundze malondro mbeli zaho, amwesa wajuwe amba wami tsihuv̄endze.