MATIYO 27:51 - Ha`bari Ndjema ya I Maore

⁵¹ Na v̄ale umusutru wa iNyumba Ndzitwaharifu urandruha maɓayi maili, rangu uju ata utsini, ishiv̄andre ya tsi igudzuha, yamadjaɓali yapasuha,

MATIYO 27:51 ပူးပေါင်းရင်းမြစ်များ

MATIYO 27:54

Ɓas, djukuma la madjeshi na uwatru wahe wakomugogea Insa uona yawo umudridrimio wa ishiv̄andre ya tsi na trongo zahidjiri v̄ale, waremwa na faza ɓole ata warongoa: «Ha kweli, mutru unu aka uMwana wa Mungu!»

MATIYO 28:2

Sa na isa v̄uja v̄uhidjiri mudridrimio wendza nguvu wa ishiv̄andre ya tsi, mana malayika ya Mola ishuku ulawa pev̄oni, ija iv̄ingirisa liɓwe, amwesa iketsi uju mwalo.

MARKUSI 15:38

Sa ile umusutru wa iNyumba Ndzitwaharifu upasuha mav̄aru maili, rangu uju ata utsini.

LUKASI 23:45

liJua lingia shidza, na umusutru wa iNyumba Ndzitwaharifu urandruha hari na hari.

LUKASI 23:47

Dhwamana wa yamadjeshi uona yahe trongo zile zahidjiri v̄ale, amutukuza Mungu na urongoa: «Ha kweli mutru unu aka arahara!»

MAHEƁRANIYA 6:19

iTama iyo rinayo mauri nanga hodari tsena mangavu ya iroho. Iyo ungia ata uv̄iria umusutru,

MAHEƁRANIYA 9:3

Amwesa mengoni na umusutru wa v̄ili, v̄uka fuko lakohirwa Pa Dzitwaharifu rahana Dzitwaharifu.

MUV̄ENULIO 11:13

Sa iyo v̄uhidjiri mudridrimio muɓole wa ishiv̄andre ya tsi, na lifungu la kumi la liɗago liangamia. Watru alifu saɓa wafariki hari mwa umudridrimio wa ishiv̄andre ya tsi. Wao waɓaki wangia trisidzo, ɓasi wamutukuza Mungu wa pev̄oni.

MUV̄ENULIO 11:19

Na iNyumba Ndzitwaharifu ya Mungu ilio pev̄oni iɓulwa, na iɓweta ya umukataɓa|ɓweta ya mukataɓa wahe iv̄enuha moni na iNyumba Ndzitwaharifu yahe. Ɓasi v̄uka peni, maji, maguguma, mudridrimio wa ishiv̄andre ya tsi, na vua ɓole yafa ɓwe.