MATIYO 26:55 - Ha`bari Ndjema ya I Maore

⁵⁵ Sa ile Insa aambia dunia ile: «Muja muniziye ha ngupanga na mipweke, mauri wami mutru wa hatwari. Kula suku nakoketsi moni na iNyumba Ndzitwaharifu, nakosomedza, wala kamwanizia.

MATIYO 26:55 ပူးပေါင်းရင်းမြစ်များ

MATIYO 21:23

Insa angia moni na iNyumba Ndzitwaharifu na wakati akosomedza v̄ale, yaMatolezi Maɓole ya Masadaka, na waɓole wa idjama waja wamuambia: «Ha yezi trini ɗe ufanyao trongo zini? Mbani ɗe ahuv̄a yezi iyo?»

MATIYO 26:47

V̄ale Insa raha akolagua na Yudasi, moja hari mwa kumi na waili wale, awaswili. Aka aɗungana na dunia nyengi yaka yav̄inga ngupanga na mipweke, yaka yav̄elehwa na yaMatolezi Maɓole ya Masadaka na waɓole wa yaMayahudi.

MARKUSI 10:1

Ulawa yahe v̄ale, Insa andre hari mwa liɓavu la Yudeya, nyambo ya umuro wa Jurdani. Dunia ya watru ija ingulidzana tsena kariɓu na waye, amwesa ha uɗunga udzevu wahe, akowasomedza raha.

MARKUSI 12:35

Wakati Insa akosomedza moni na iNyumba Ndzitwaharifu adzisa: «Ha namuna jeje yaMafundi ya Sharia yashindrao yarongowe amba uMutsahuliwa, waye mwana wa Daudu?

LUKASI 19:47

Akosomedza kula suku moni na iNyumba Ndzitwaharifu. Na v̄ale yaMatolezi Maɓole ya Masadaka, yaMafundi ya Sharia, na uwaɓole wa umati ule wakozunguha ndzia wamuule.

LUKASI 20:1

Suku mengoni mwa suku, wakati Insa aka ju la usomedza watru na uwajudza iHaɓari Ndjema moni na iNyumba Ndzitwaharifu, yaMatolezi Maɓole ya Masadaka, Mafundi ya Sharia na uwatru waɓole waja wamupara,

LUKASI 4:20

Ɓaanda ya zile aɓala ishio, airegeza ha umutoa-shio aka v̄ale, amwesa aketsi. Na piya matso yaka moni na iNyumba ya Uswali ile yakomuangalia.

YUHANI 7:14

iNusu ya wakati wa uMusherehio yamokoma, Insa ahea hari mwa iNyumba Ndzitwaharifu, aandrisa usomedza.

YUHANI 7:28

Na Insa iv̄o akosomedza moni na iNyumba Ndzitwaharifu, arongoa ha nguvu: «Amba wanyu musunijua, tsena musujua v̄ahali nala? Tsaja ha iwami yangu, ɓadi Uwo aniv̄eleha, waye kweli, na wanyu kamumuji.

YUHANI 8:2

Ata asuɓuhi ya handra, andre raha moni na iNyumba Ndzitwaharifu|Nyumba Ndzitwaharifu, na piya idunia imujilia. Ɓas aketsi, akowasomedza.

YUHANI 8:20

Insa arongoa marongozi yale wakati akosomedza moni na iNyumba Ndzitwaharifu, v̄ahanu v̄waka iɓweta ya zaka. Na kav̄waka ata mutru amuzia, mana wakati wahe raha kawaka wapara.