MATIYO 26:39 - Ha`bari Ndjema ya I Maore

³⁹ Atsengelea mbeli mwanapav̄i, areme uuso v̄otsi, amwesa amia Mungu ha urongoa: «Ɓaɓangu, neka iyo trongo mukinishiha, ishikombe ya matreso ini iv̄ire mbali na wami; ɓadi tsi ɗe mav̄endzeleo yangu, ɓadi yaho.»

MATIYO 26:39 ပူးပေါင်းရင်းမြစ်များ

MATIYO 20:22

Insa adjiɓu: «Kamusujua trongo muitsahao. Wanyu ushindra munwe ishikombe nijao ninwe?» Wamuambia: «Wasi ushindra.»

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 26:42

Atsengelea mbeli mwanapav̄i tsena mara ya v̄ili, amia Mungu zini: «Ɓaɓangu, neka tsi trongo mukinishiha ya ishikombe ini uv̄ira mbali wala nasuinwe, v̄av̄o mav̄endzeleo yaho nayafanyishihe.»

MARKUSI 13:22

Mana v̄utsohima makristi ya trambo, tsena v̄utsohima watru watsodzifanyao amba washukidziwa marongozi; watsofanya ãlama za ãdjaɓu na midjuza, ile, neka trongo mukinishiha, wadanganye wale watsahuliwa na Mungu.

LUKASI 17:16

Awu ha maswa mindruni ha Insa, amuv̄oshelea marahaɓa. Na uwo aka Musamariya.

YUHANI 11:41

Ɓas, watowo liɓwe. Sa ile Insa adzua yamatso, arongoa: «Ɓaɓa, nisuhuhimidia iv̄o wanivulishia.

YUHANI 14:31

ɓadi ile lidunia lijuwe amba nisumuv̄endza Ɓaɓa, nisurendra ha uɗunga izo Ɓaɓa aniãmurisha. V̄av̄o namuhime, rilawe v̄anu.»

YUHANI 18:11

Sa ile Insa amuambia Monye: «Rudisa upanga waho mufukoni hawo! Hali tsitsonwa ishikombe Ɓaɓa aniv̄a ninwe?»

YUHANI 5:19

V̄ale Insa arenge umurongo, awaambia: «Nisumuambiani ha kweli, uMwana kafanya ata trongo ha iwaye yahe neka tsi ɗe iyo aonao Ɓaɓahe aifanyao. Mana kula trongo Ɓaɓa afanyao, uMwana uifanya wajau.

YUHANI 5:30

Wami tsishindri nafanya yotsi ha iwami yangu. Ha uɗunga iyo niikiao ɗe nihukumuo; na hukuma yangu, iyo ya haki, mana mav̄endzeleo yangu tsi ɗe niyatsahao, ɓadi mav̄endzeleo ya Uwo aniv̄eleha.»

YUHANI 6:38

Mana tsishuku ulawa pev̄oni nifanye, tsi mav̄endzeleo yangu, ɓadi mav̄endzeleo ya Uwo aniv̄eleha.

MAV̄INGIZI-RISALA 10:25

Wakati Monye angia, Korneliyus aja amupara, amuendrelea mindru tsini ha umusudjudia.

MAFILIPI 2:8

Adzishukidza waye ha waye ha ufanyiha mutuĩvu ata mupaka ufaju, ufa hari mwa muri wa pawa.

MAHEƁRANIYA 5:7

Uka yahe ha shimwili, av̄eleha mamilio na mirayilio ha shililo ɓole na matsozi ha Uwo akoshindra amuhuyi na ufa; na waye atakaɓaliwa ha siɓaɓu ya utuĩvu wahe.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»