MATIYO 26:3 - Ha`bari Ndjema ya I Maore

³ Wakati ule yaMatolezi Maɓole ya Masadaka|Mutolezi-Masadaka na waɓole wa yaMayahudi wangulidzana moni na ishandza ya lidjumba la uMuɓole wa yaMatolezi-Masadaka akohiriwa Kayafasi.

MATIYO 26:3 ပူးပေါင်းရင်းမြစ်များ

MATIYO 26:69

Na v̄ale Monye aka aketsi v̄ondze moni na umuraɓa. V̄umujilia murumizi mutrumushe, amuambia: «Wawe wajau uka v̄umoja na Insa wa shi Galilaya.»

MATIYO 27:27

Amwesa yamadjeshi ya dhwamana wa daula ule yamuv̄ingi Insa moni na inyumba ya sirikali, waangulidza piya idjama ya madjeshi mbeli zahe.

MARKUSI 14:54

Monye amuɗungu Insa ha mbali-mbali, ata angia muraɓani ha uMuɓole wa yaMatolezi-Masadaka. Aketsi v̄umoja na warumizi, akohora moro.

MARKUSI 14:66

Wakati Monye aka utsini moni na umuraɓa wa inyumba, v̄uja ɓweni moja hari mwa warumizi watruwashe wa uMuɓole wa yaMatolezi-Masadaka.

MARKUSI 15:16

Ɓas, yamadjeshi yamuv̄ingi Insa moni na lipa la wakala, yaãni nyumba ihiriwao praetorium, amwesa wangulidza piya iaskari yawo.

LUKASI 22:55

Wavudzu moro hari-hari na ishandza ya umuraɓa, waketsi. Monye aka aketsi v̄umoja na wao v̄ale.

LUKASI 3:2

Tsena, Anasi na Kayafasi waka ɗe Matolezi Maɓole ya Masadaka. Uwo ɗe uwakati urongozi wa Mungu wamushukia Yahaya, mwana wa Zakariya, padzaju.

YUHANI 11:57

Na yaMatolezi Maɓole ya Masadaka v̄umoja na yaMafarisayo waka watoa ãmuri amba mutru yotsi atsojuao v̄ahali Insa alio awaambiye, pare wamusike.

YUHANI 18:24

Ɓas v̄ale Anasi amuv̄eleha na zingwe ha Kayafasi, uMuɓole wa yaMatolezi-Masadaka.

YUHANI 18:28

Asuɓuhi ya handra, wamurenge Insa ha Kayafasi, wamuv̄ingi hari mwa inyumba ya uwakala. Wao wenyewe kawangia moni na inyumba ya wakala ile, pare wasunagisishihe, ne waɗye Unahanizi wa uMutupio|unahanizi.