MATIYO 26:24 - Ha`bari Ndjema ya I Maore

²⁴ uMwana wa Mwanadamu asendra dzahe ha uɗunga izo zaangihwa na waye, ɓadi maondo ha uwo av̄iriao nyuma uMwana wa Mwanadamu! Hairi na djeli mutru uwo kaka adzalwa!»

MATIYO 26:24 ပူးပေါင်းရင်းမြစ်များ

MATIYO 18:7

Maondo ha ulemengu, iv̄o v̄ulio trongo zikwalisao! Lazima amba v̄uke trongo zikwalisao, ɓadi maondo ha uwo atsotsongao zije!

MATIYO 26:31

Amwesa Insa aambia maswihaɓa yahe: «Uku v̄anu, nitsoka mutsongesheo wa ukwalifu wa wanyu piyanyu; mana v̄uangihwa: ‹Nitsorema umutsunga, na maɓariɓari ya liɓangwe yatsotsambadziwa.› »

MATIYO 26:54

Ɓasi v̄av̄o ha namuna jeje utsotsimidzihao uMuangishio Mutwaharifu urongoao amba ilazimu ike namuna iyo?»

MATIYO 26:56

Ɓadi piya zini zija, ile yimiangishio ya yimitrume yitsimidzihe.» Ɓas, piya maswihaɓa yamulishi, watrala.

MARKUSI 14:21

Kweli uMwana wa Mwanadamu|Mwana wa Mwanadamu asendra dzahe ha inamuna yaangihwa ju lahe, ɓadi maondo ha uwo atsomuv̄iriao nyuma uMwana wa Mwanadamu! Hairi na djeli mutru uwo kaka adzalwa!»

MARKUSI 9:12

Awadjiɓu: «Kweli amba Eliya alazimu aje raɓuzi, ile arengeledze piya zitrongo. Ɓasi manatrini yaangihwa tsena yahusu uMwana wa Mwanadamu amba ilazimu aondeshehe na nyengi, amwesa apuzisiwe?

LUKASI 22:22

uMwana wa Mwanadamu asendra dzahe ha uɗunga izo zahetsiwa, ɓadi maondo ha ule amuv̄iriao nyuma!»

LUKASI 24:46

Awaambia raha: «Tsizini zaangihwa: Kristi ilazimu aondeshehe, amwesa aregezewe hayi ha ulawa ufaju isuku ya raru.

YUHANI 17:12

Wakati naka v̄umoja na wao, nakowasika moni na lidzina laho, lilo waniv̄alo. Tsiwahifadhwi, na kav̄u ata moja hari mwawo apotea neka tsi ɗe umwana wa upotevu, ile uMuangishio utsimidzihe.

YUHANI 19:24

Waambiana: «Rasuirandruwe, ɓadi narifanye kuria mutru atsoiparao.» Trongo iyo ifanyishiha pare urongozi wa uMuangishio Mutwaharifu unu utsimidzihe: «Wadzianisia nguo zangu, wafanya kuria ikandzu yangu.» Iyo ɗe itrongo madjeshi waifanya.

YUHANI 19:28

Ɓaanda ya v̄ale, Insa iv̄o akojua amba piya trongo zitsimidziha, arongoa pare uMuangishio Mutwaharifu utsimidzihe: «Nisuona nyora.»

MAV̄INGIZI-RISALA 2:23

Mutru uwo atrilwa mihononi hanyu ha uɗunga izo zaka zahetsiwa na Mungu, zilio amba akozijua rangu kaɓula; na wanyu mumuulu ha yimihono ya watru waovu, mumureme mizumari hari mwa muri wa pawa.

MAV̄INGIZI-RISALA 28:23

Wafungu uparana suku, tsena waja ha uwengi zaidi wamupara nyumbani hahe v̄ale. Rangu asuɓuhi ata utswa ya lijua, Ɓaulusu awaeledza na uwatolea ushahidi Utawalizi wa Mungu, na uzunguha ulawa rangu iSharia ya Musa na yimitrume awav̄inge ata wakuɓali izo zahusuana na Insa.

MAV̄INGIZI-RISALA 4:28

Ha izo, watsimidza piya izo waka wazinia rangu kaɓula ha uushindzi waho na yamav̄endzeleo yaho.

1 MAKORINTIYO 15:3

Mana kaɓula ya trongo piya, tsimuv̄ani izo nazipara wami-wami, ne ɗe amba: Kristi afu ha siɓaɓu ya madhambi yatru, mauri ɗe iheli yiMiangishio Mitwaharifu yarongoa.