MATIYO 26:14 - Ha`bari Ndjema ya I Maore

¹⁴ Ɓaanda ya v̄ale, moja hari mwa kumi na waili wale, akohiriwa Yudasi Iskarioti, andre ha yaMatolezi Maɓole ya Masadaka,

MATIYO 26:14 ပူးပေါင်းရင်းမြစ်များ

MATIYO 10:4

Simoni Mukanaani na Yudasi Iskarioti, ule atsomuv̄iriao nyuma Insa.

MATIYO 26:25

Amwesa Yudasi ule akoja amuv̄iriye nyuma, arenge umurongo, arongoa: «Fundi, uwo ɗe wami?» Insa amudjiɓu: «Wawe ɗe wairongoa.»

MATIYO 26:47

V̄ale Insa raha akolagua na Yudasi, moja hari mwa kumi na waili wale, awaswili. Aka aɗungana na dunia nyengi yaka yav̄inga ngupanga na mipweke, yaka yav̄elehwa na yaMatolezi Maɓole ya Masadaka na waɓole wa yaMayahudi.

MATIYO 27:3

Wakati Yudasi, ule amuv̄iria nyuma Insa, aona amba anamulwa aulawe, aparwa na majitso, ata aregeza zituruturu thalathini za fedha zile ha yaMatolezi Maɓole ya Masadaka na uwatru waɓole.

YUHANI 12:4

Sa ile Yudasi Iskarioti, moja mengoni mwa yamaswihaɓa ya Insa, uwo atsojao amuv̄iriye nyuma, arongoa:

YUHANI 13:2

Na v̄ale, wakati wa shahula ya mahariɓi, Iɓilisa madza aka atria rohoni ha Yudasi Iskarioti, mwana wa Simoni, ifikira ya umuv̄iria nyuma.

YUHANI 13:26

Insa amudjiɓu: «Ɗe uwo nitsomuv̄ao likutru ɓaanda nalipatsidza.» Ɓas apatsidza likutru, amuv̄alo Yudasi, mwana wa Simoni Iskarioti.

YUHANI 13:30

Yudasi ɓaanda arenga likutru la dipe, alawa kamwe. Na v̄ale uku uka ungia.

YUHANI 18:2

Yudasi, ule atsomuv̄iriao nyuma, akov̄ujua wajau, mana Insa na maswihaɓa yahe wakoka na ungulidzana v̄ale.

MAV̄INGIZI-RISALA 1:16

«Wananyangu, itrongo yaangihwa moni na uMuangishio Mutwaharifu ika ilazimu itsimidzihe, trongo iRoho Ndzitwaharifu aka aijudza rangu kaɓula ha ihanyo ya Daudu yapatana na Yudasi av̄inga uwatru wamusika Insa.

MAV̄INGIZI-RISALA 1:18

(Mutru uwo anunua shamba ha yamanufa ya ishitrendrwa mbovu yahe. Awu ha maswa, apasuha imimba, ata marumbo yahe yafoɓoha.