MATIYO 26:13 - Ha`bari Ndjema ya I Maore

¹³ Nisumuambiani ha kweli, v̄ahanu yotsi iHaɓari Ndjema ini itsojudziwao hari mwa lidunia kamili, itrongo ini mutrumama unu aifanya itsotolwa hadisi wajau ha umunahana.»

MATIYO 26:13 ပူးပေါင်းရင်းမြစ်များ

MATIYO 24:14

iHaɓari Ndjema ini ya Utawalizi itsotekelezewa hari mwa ulemengu kamili, ile ike ushahidi ha piya zinishani; v̄av̄o iv̄o ɗe umwiso utsojao.»

MATIYO 28:19

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu,

MARKUSI 13:10

Ilazimu raɓuzi iHaɓari Ndjema ijudziwe ha piya zinishani.

MARKUSI 14:9

Nisumuambiani ha kweli, kula v̄ahanu iHaɓari Ndjema itsojudziwao hari mwa lidunia kamili, itrongo mutrumama unu aifanya itsotolwa tsena hadisi ha umunahana.»

MARKUSI 16:15

Amwesa awaambia: «Namwendre hari mwa lidunia piya, mujudze iHaɓari Ndjema ha kula shiumbe mwanadamu.

LUKASI 24:47

Na itrongo ya uendra toɓa na yamadhambi yaswamihiwa, zilazimu zijudziwe ha lidzina lahe ha piya zinishani, uandrisa rangu Yerusalemu.

MAV̄INGIZI-RISALA 10:4

Amureme matso, amwesa ha zifaza zamungilia, adzisa: «Iyo trongo trini Mwalangu?» iMalayika ile imudjiɓu: «Mamilio yaho na zizaka zaho wazitoa zimuwaswilia Mungu, amwesa zirendreha mauri tarehi mbeli zahe.

MAROMU 10:18

Ɓadi nisudzisa: Hali kawakia? Ɗe ikinyume! uMuangishio usurongoa: «liJi lawo livumu hari mwa piya ishiv̄andre ya tsi, na marongozi yawo ata mupaka umwiso wa lidunia.»

MAROMU 15:19

tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

2 MAKORINTIYO 10:18

Mana tsi ɗe ule adzisifuo ɗe akuɓalishihao, ɓadi ɗe ule Raɓi amusifuo.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAKOLOSIYA 1:6

Indjili ini imujiliani, mauri ɗe inamuna iv̄ingao mavuna na urandra hari mwa ulemengu kamili. Ɗe inamuna iyo wajau hari mwanyu, rangu isuku mwakia tsena mwajua urehema wa Mungu ha ukweli wawo.

1 TIMUTAUSU 2:6

adziv̄a waye-waye ake shiliv̄o ya ukombofu wa piya. Uwo ɗe ushahidifu watolewa wakati wawo wahetsiwa.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

MUV̄ENULIO 14:6

Tsiono tsena malayika yangina yakov̄euha hari-hari na uwingu; ikana haɓari ndjema ya daima aijudze ha uwakazi wa ishiv̄andre ya tsi, ha kula nishani, ha kula kaɓila, ha kula luha na ha kula umati.