MATIYO 24:42 - Ha`bari Ndjema ya I Maore

⁴² Ɓasi namuke hashiri, iv̄o kamusujua isuku Raɓi wanyu atsojao.

MATIYO 24:42 ပူးပေါင်းရင်းမြစ်များ

MATIYO 24:36

«Ɓadi yahusu isuku na isa, kav̄usi ata mutru aijuao, tsi ɗe zimalayika za mbinguni, wala tsi ɗe uMwana, ɓadi ɗe Ɓaɓa weke wahe.

MATIYO 24:43

V̄av̄o namuelewe ha uzuri: na djeli monyewe nyumba akojua wakati trini mwidzi atsojao, atsoka hashiri, katsolisha nyumba yahe yavundzwa.

MATIYO 24:44

Iyo ɗe imana wanyu wajau namuke tayari, mana uMwana wa Mwanadamu atsoja wakati kamutsoufikiri.»

MATIYO 25:10

Ɓas, uendra yawo wanunuwe, ɓwana-harusi aja. Wale waka tayari, wangia na waye moni na lipa la harusi, mulongo uɓalwa.

MATIYO 25:13

V̄av̄o namuke hashiri, mana kamusujua isuku wala isa.»

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

LUKASI 21:36

Ɓasi namuke hashiri, muke hari mwa mamilio dahari-dahari, ile mukane ushindzi wa utralia piya trongo zizo zitsojao, tsena mushindre muhime hazahaza mbeli za uMwana wa Mwanadamu.»

MAROMU 13:11

Namufanye zizo, iv̄o mujuao wakati rilio: wakati upara ya wanyu ulamuha hari mwa tsindzi zanyu. Mana av̄asa uhuyifu wa kariɓu na wasi rahana wakati raja raamini.

1 MAKORINTIYO 16:13

Namuke hashiri, musike hodari uaminifu wanyu, mudziv̄inge mauri watruɓaɓa, muke wahodari.

1 MATESALONIKA 5:6

Ɓasi ha izo, rasulale mauri wasalia, ɓadi narishese, tsena rike wazima.

1 MONYE 4:7

uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

1 MONYE 5:8

Namukane zifikira zanyu, tsena muke hashiri. iÃduwi yanyu Iɓilisa asuzingidza mauri simba ingurumao, izunguhao mutru amuɗye.

MUV̄ENULIO 16:15

Tsami nisuja mauri mwidzi. Aɓarikishiha uwo alio hashiri, tsena aliona nguo zahe ile asuke wadzi, iaĩɓu yahe isuonehane.