MATIYO 24:30 - Ha`bari Ndjema ya I Maore

³⁰ V̄av̄o iãlama ya uMwana wa Mwanadamu itsov̄enuha mbinguni, na piya zikaɓila za shiv̄andreju mwa tsi zitsodzilaumu, wamoona uMwana wa Mwanadamu iv̄o atsojao hari mwa yamavingu ya uwinguni, ha ushindzi na utukufu muɓole.

MATIYO 24:30 ပူးပေါင်းရင်းမြစ်များ

MATIYO 24:3

Ɓaanda Insa aka aketsi hari mwa uMulima wa Mizaituni|Mulima wa Mizaituni, maswihaɓa yahe yaja yamupara weke, wamudzisa: «Riambiye, wakati trini trongo izo zitsohidjirio? Na ãlama trini ɗe itsoonesao umuregeo waho na umwiso wa lidunia?»

MATIYO 24:37

Mauri ɗe zitrongo namuna zahidjiri wakati wa Nuhu, ɗe utsokao umujilio wa uMwana wa Mwanadamu.

MATIYO 24:39

Kawakodzifikiria na trongo ata iv̄o lidzaha la maji lawajilia, lawav̄inga piyawo. Iyo ɗe inamuna wajau umujilio wa uMwana wa Mwanadamu utsokao.

MATIYO 26:64

Insa amudjiɓu: «Wawe ɗe wairongoa. Ɓadi nisumujudzani: Rangu ulawa v̄anu mutsoona uMwana wa Mwanadamu iv̄o aketsi humeni ha Monyewe Ushindzi, tsena ajao hari mwa yamavingu ya winguni.»

MARKUSI 13:26

Ɓasi v̄av̄o iv̄o watru watsoona uMwana wa Mwanadamu|Mwana wa Mwanadamu iv̄o ajao hari mwa yamavingu, v̄umoja na ushindzi muɓole na utukufu.

MARKUSI 13:4

«Riambiye, trongo izo zitsohidjiri lini? Na ãlama trini ɗe itsoonesao amba piya trongo zini zisondrotsimidziha?»

LUKASI 21:27

Ɓas, v̄av̄o watsoona uMwana wa Mwanadamu iv̄o atsojao hari mwa vingu, ha ushindzi na utukufu muɓole.

LUKASI 22:69

Ɓadi rangu v̄anu, uMwana wa Mwanadamu atsoketsi humeni ha Mungu, Monyewe Ushindzi.»

MAV̄INGIZI-RISALA 1:11

Wawaambia: «He wanyu Magalilaya, manatrini mwahima muangaliao mbinguni? Insa uwo mwarengewawo, ahedzewa pev̄oni, atsoregea ha inamuna ile kamwe mwamuona andra pev̄oni.»

2 MATESALONIKA 1:7

tsena amuv̄eni wanyu muondeshehao, uv̄umuzi v̄umoja na wasi, wakati wa umuv̄enulio wa Raɓi Insa ulawa mbinguni v̄umoja na malayika zendza ushindzi zahe.

MUV̄ENULIO 1:7

Tsuwo, asuja hari mwa mavingu na piya watsomuona, ata wao wamuforoa. Na piya zikaɓila za shiv̄andreju mwa tsi zitsoulula ha siɓaɓu ya waye. Ewa! Amina.

MUV̄ENULIO 12:1

V̄uv̄enuha kudura ɓole pev̄oni: mutrumushe apindrisiwa lijua, akana umwezi utsini na yimindru yahe, na kemba ya nyora kumi na mbili shitswani hahe.