MATIYO 24:13 - Ha`bari Ndjema ya I Maore

¹³ Ɓadi uwo atsostahamilio ata mwiso, atsohuyiwa.

MATIYO 24:13 ပူးပေါင်းရင်းမြစ်များ

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

MATIYO 24:12

Ha iv̄o upeu utsozidio, uv̄endza ya indadi ɓole ya watru, itsozilia.

MATIYO 24:6

Mutsokia haɓari zahusu kondro, na ari-ari za kondro, ɓadi mwasudzilishe mwangiliwa na trisidzo. Mana izo zilazimu zihidjiri, ɓadi raha kautsoka amba ɗe umwiso.

MARKUSI 13:13

Mutsoengwa na watru piya ha siɓaɓu ya lidzina langu. Ɓadi mutru atsostahamilio ata umwiso, atsohuyiwa.»

LUKASI 21:19

Ha ustahamilifu wanyu mutsovukisha nafusi zanyu.»

LUKASI 8:15

Yao yapuliha hari mwa itrotro ndjema, ɗe wale wakia urongozi ule ha roho ndjema yarahara, wao uusika, amwesa ustahamili ata wadze mavuna.»

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

MAHEƁRANIYA 10:39

Na wasi hatruju, karisi hari mwa wao wadzivurao wandra wadzipoteza, ɓadi hari mwa wao waliona uaminifu uhuyio roho zawo.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.