MATIYO 21:28 - Ha`bari Ndjema ya I Maore

²⁸ «Musufikiri trini hari mwa mufano unu? V̄uka mutru akana wana watruɓaɓa waili. Suku, aambia wa handra: ‹Mwana wangu, endra wafanye hazi leo hari mwa ishunga ya mizaɓiɓu.›

MATIYO 21:28 ပူးပေါင်းရင်းမြစ်များ

MATIYO 17:25

Adjiɓu: «Ewa, waye utoa sa!» Ata amongia moni na inyumba, Insa amudzisa: «Simoni, usufikiri jeje? Wafalume wa ulemenguni v̄anu uliv̄isa latete watru wav̄i? Hali ɗe wana wawo, au watru wa v̄ondze?»

MATIYO 20:1

«Utawalizi wa Monyewe ziMbingu ujua ufanisiwe na monyewe shamba, alawa na asuɓuhi, awadjiri watru wafanye hazi moni na shunga ya mizaɓiɓu yahe.

MATIYO 21:27

Ɓas, wamudjiɓu Insa: «Karisujua.» Na waye wajau awaambia: «Wami ne tsisumuambiani ha yezi trini nifanyao trongo zini.»

MATIYO 21:29

Adjiɓu: ‹Tsiv̄endze.› Ɓaanda ya mwana muda aja ajutsa, amwesa andre.

MATIYO 21:33

«Namuvulishiye mufano wangina tsunu: V̄uka monyewe shamba, ataɓu mizaɓiɓu. Alizingidzia vala, atsimbi ngama ya uhamua zimbia, aundru na munara wa ugogea, aliwadjirisa walimizi, amwesa asafiri.

MATIYO 22:17

Riambiye ɓasi namuna uonao: iTrongo ya umuliv̄a latete Kaiswara, iruhusiwa, au kayaruhusiwa?»

MARKUSI 13:34

Itsoka mauri mufano wa mutru amolawa hahe andrao musafara, udhwaminisha warumizi wahe ha uv̄a kula moja ihazi yahe yamulazimu. Tsena, waye uãmurisha umugogezi-mulongo ake hashiri.

LUKASI 13:4

Au, watru kumi na wanane wale umunara wa Siloamu wawaãmidza, wawaula, musufikiri amba waka wakoso raha na piya wakazi wasalia wa Yerusalemu?

1 MAKORINTIYO 10:15

Nisulagua mauri na watru wendza fikira, ɓasi namunamuwe wanyu ha wanyu trongo niirongoao.

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.