MATIYO 21:21 - Ha`bari Ndjema ya I Maore

²¹ Insa awadjiɓu: «Nisumuambiani ha kweli, na djeli mukana uaminifu ɓila taradudu itsokao yotsi, tsi ɓasi amba mwatsofanya zafanyiwa mufigiye ule tu, ɓadi ata mwamoambia mulima unu amba: ‹Dzitowe v̄av̄o, udzipulise ɓaharini›, na izo zatsofanyishiha.

MATIYO 21:21 ပူးပေါင်းရင်းမြစ်များ

MATIYO 14:29

Insa amuambia: «Ko ɓasi!» Sa ile Monye alawa djahazini v̄ale, andre ha ugaɗa yamaji amupare Insa.

MATIYO 17:20

Awadjiɓu: «Mana uaminifu wanyu wa mushashi. Nisumuambiani ha kweli, na djeli mukana uaminifu, wala ukana mutiti mauri ɗe ititi hari mwa zimbia, mwatsoãmurisha mulima unu ulawe v̄ahanu ulio, wendre v̄wangina, na uwo utsendra; kav̄u yotsi yatsomushindraoni.

MATIYO 21:20

yaMaswihaɓa uona yawo trongo ile, waremwa na ushangavu ha kusudi. Wadzisa: «Ha namuna jeje ata hari mwa sa moja na mufigiye ule wahuma?»

MATIYO 8:12

Ɓadi wao walazimiwa uUtawalizi, watsolatswa hari mwa shidza v̄ondze, v̄ahanu v̄utsokao shililo na uv̄uhura manyo ha utungu.»

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

YAKOƁU 1:6

Ɓadi naitsahe ha uaminifu, wala taradudu itsokao yotsi; mana mwendza taradudu, uwo sawa na ɗuja la ɓaharini ligudzusiwao na uv̄ingwa na pev̄o.