MATIYO 21:17 - Ha`bari Ndjema ya I Maore

¹⁷ Amwesa awalishi v̄ale, alawia liɗago ha uendra Ɓaitihaniya, v̄ahanu andra av̄itsa uuku.

MATIYO 21:17 ပူးပေါင်းရင်းမြစ်များ

MATIYO 16:4

Zama mbovu za leo kazina uaminifu, zisutsaha ãlama ya midjuza! Kazitsoonesewa ãlama yangina neka tsi ɗe ya Yunusa.» Amwesa awalishi v̄ale, andre dzahe.

MATIYO 26:6

Iv̄o Insa aka ɗagoni Ɓaitihaniya nyumbani ha Simoni Mwenefu,

MARKUSI 11:1

Wakati wakuruɓia Yerusalemu, upara yawo mukaɓala wa Ɓaitifadji na Ɓaitihaniya kariɓu na uMulima wa Mizaituni|Mulima wa Mizaituni, Insa akidza mbeli waili wa maswihaɓa yahe,

MARKUSI 11:11

Insa angia ɗagoni Yerusalemu, moni na iNyumba Ndzitwaharifu. Ɓaanda ahisa uangalia piya zitru zaka v̄ale, alawa ha uendra Ɓaitihaniya v̄umoja na kumi na waili wale, mana lijua lakondrotswa.

MARKUSI 11:19

Mahariɓi uzinga yayo, Insa na maswihaɓa yahe walawia liɗago.

MARKUSI 14:3

Suku, Insa aka Ɓaitihaniya nyumbani ha Simoni Mwenefu. Wakati wakoɗya, v̄ungia mutrumama av̄inga falasika ya ɓwe la alibastera, yakana marashi ya shimea ya nardo yendza thamani ɓole. Afusu ishifinikio, atsomoa marashi yale shitswani ha Insa.

MARKUSI 3:7

Insa v̄umoja na maswihaɓa yahe wadzivuru wangoni na iɓahari. Dunia ya watru iwaɗungu ulawa Galilaya na Yudeya,

LUKASI 10:38

V̄uka wakati tsena Insa aka ndziani na maswihaɓa yahe, angia hari mwa ɗago. Na v̄ale v̄uka mutrumushe akohiriwa Marta amukariɓisa hahe.

LUKASI 19:29

Wakati akuruɓia Ɓaitifadji na Ɓaitihaniya ha ukaɓili umulima uhiriwao Mulima wa Mizaituni, Insa akidza mbeli waili hari mwa maswihaɓa yahe, awaambia:

LUKASI 24:50

Amwesa awav̄ingi ata mukaɓala wa Ɓaitihaniya. Adzua yimihono, awaɓariki.

YUHANI 11:1

V̄uka mutruɓaɓa akohiriwa Lazaro aka aremwa na uwaɗe. Aka wa shi Ɓaitihaniya, ɗago la Mariama na mwananyahe mutrumushe Marta.

YUHANI 11:18

Ɓaitihaniya ika kariɓu na Yerusalemu, hari mwa ziv̄imo kumi na tsano jauleni.