MATIYO 20:7 - Ha`bari Ndjema ya I Maore

⁷ Wamudjiɓu: ‹Mana kav̄u mutru arirenga hazini.› Awaambia: ‹Wanyu wajau, namwendre hari mwa ishunga ya mizaɓiɓu yangu.›

MATIYO 20:7 ပူးပေါင်းရင်းမြစ်များ

MATIYO 20:1

«Utawalizi wa Monyewe ziMbingu ujua ufanisiwe na monyewe shamba, alawa na asuɓuhi, awadjiri watru wafanye hazi moni na shunga ya mizaɓiɓu yahe.

MATIYO 20:6

Mukaɓala wa sa ya kumi na moja alawa raha, apara wangina waka v̄ale, awadzisa: ‹Manatrini mukao v̄av̄o piya mutsana, wala kamusufanya itsokao yotsi?›

MATIYO 20:8

Jua lamotswa, monyewe ishunga ya mizaɓiɓu aambia mushangirizi wahe: ‹Hira uwatru wa hazi, uwaliv̄e mihadjara yawo ha uandrisa na wa mwiso, ata uwaswili wa handra.›

YUHANI 9:4

Raha rilio mutsana, irilazimu rifanye hazi za Ule aniv̄eleha. Uku usuja, ulio amba kav̄u ata mutru atsoshindrao afanye hazi.

MAV̄INGIZI-RISALA 4:16

na udzisana: «Riwafanye trini watru wale? Ha kweli amba wafanya ãlama ya ãdjaɓu ɓole; piya uwatru waketsio Yerusalemu waiono dhwahiri, wala karishindri rahana.

MAROMU 16:25

Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima,

MAEFESO 6:8

ha ujua amba kula mutru, neka murumwa au munafasina, atsopara ha Mola thawaɓu ya indjema atsoifanyao.

MAKOLOSIYA 1:26

ne ɗe iãdjaɓu yaka yadzamisiwa hari mwa yimida yav̄ira na ha zinaswila, ɓadi av̄asa yav̄enulwa ha watwaharifu wahe.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.