MATIYO 20:3 - Ha`bari Ndjema ya I Maore

³ Alawa tsena sa ya raru, aono watru wangina waka hari mwa ishandza-hari, wala kawakana za ufanya.

MATIYO 20:3 ပူးပေါင်းရင်းမြစ်များ

MATIYO 20:2

Wakuɓaliana amba atsowaliv̄a thamani ya muhadjara wa suku, amwesa awav̄eleha hari mwa ishunga ya mizaɓiɓu yahe.

MATIYO 20:4

Awaambia: ‹Wanyu namwendre wajau hari mwa ishunga ya mizaɓiɓu yangu, ne nitsomuliv̄ani yalazimu.›

MARKUSI 15:25

Ika sa ya raru ya asuɓuhi ɗe wamurema mizumari hari mwa muri wa pawa.

MAV̄INGIZI-RISALA 16:19

Warumisa wa murumwa ule uona yawo amba itama ya mupario wawo iwalawia, wamusiki Ɓaulusu na Silasi, wawagogora mupaka shandzahariju mbeli za waɓole wa isirikali.

MAV̄INGIZI-RISALA 2:15

Watru wao kawalewa mauri ɗe namuna mufikirio, mana v̄anu ra sa ya raru za asuɓuhi.

1 TIMUTAUSU 5:13

Na zaidi ya v̄av̄o, iv̄o kawana za ufanya, wao urenga udzevu wa ungia na ulawa hari mwa miraɓa. Tsi tu amba kawana za ufanya, ɓadi tsena waɓaɓufu na upasiwa na tsi zawo, amwesa urongoa zilio amba kayalazimu warongoa.

MAHEƁRANIYA 6:12

Musufanyihe wendza shiɗa, ɓadi mutiɓe wao walio amba, ha uaminifu na suɓira, wasupara umwaratha watolwa wahadi.