MATIYO 2:6 - Ha`bari Ndjema ya I Maore

⁶ ‹Wawe v̄aho Ɓaitilham hari mwa itsi ya Yudeya, ha yakini kusi liv̄ungufu hari mwa yamalago yakia mbeli ya Yudeya; mana hahoju v̄utsolawa mukizi-mbeli atsotsungao umati wangu Israila.› »

MATIYO 2:6 ပူးပေါင်းရင်းမြစ်များ

MATIYO 2:1

Insa adzalwa ɗagoni Ɓaitilham hari mwa iYudeya, wakati Hirudu aka mufalume. Na v̄ale ɗe mataãlamu wa nyora walawa mashiriki, waja ɗagoni Yerusalemu,

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

YUHANI 21:16

Amuambia mara ya v̄ili: «Simoni, mwana wa Yunasi, usuniv̄endza?» Monye amudjiɓu: «Ewa Raɓi, usujua amba nisuhuv̄endza.» Insa amuambia: «Tsunga maɓariɓari yangu.»

YUHANI 7:42

Hali uMuangishio kausurongoa amba uMutsahuliwa atsoka shilembwe yalawa ha Daudu ɗagoni Ɓaitilham, v̄ahanu Daudu aka?»

MAEFESO 1:22

Atria piya utsini na yimindru yahe, tsena amuv̄a ake Shitswa uju mwa piya ha iDjama Ndziwaminifu

MAKOLOSIYA 1:18

Waye ɗe Shitswa wa umwili, ilio iDjama Ndziwaminifu; waye ɗe umwandro, umudzalwa wa handra alawa ha uwafu, ile hari mwa piya ake ɗe wa handra.

MAHEƁRANIYA 7:14

Mana isujulihana na piya amba Raɓi watru alawa hari mwa udjama wa Yuda, udjama ulio amba Musa karongoa trongo itsokao yotsi hari mwa yahusu Matolezi-Masadaka.

MUV̄ENULIO 11:15

Ɓas, imalayika ya saɓa ivudzia liɓaragumu layo. Na v̄ale v̄ukilihana maji maɓole pev̄oni, yakorongoa: «Utawalizi wa lidunia ufanyiha wa Mwalatru na wa Kristi wahe, na waye atsotawala mida ha mida.»

MUV̄ENULIO 2:27

‹Atsowatsunga ha tsimbo ya shuma, mauri mutru apasuao ziya za ɗongo.› Nitsomuv̄a ushindzi, mauri wami wajau namuna naupara ha Ɓaɓangu.

MUV̄ENULIO 7:17

Mana uMwana Ɓariɓari alio hari-hari na ishiri ya ufalume atsowatsunga na uwav̄inga hari mwa matso ya maji ya uhayati. Na Mungu atsov̄angua kula tsozi la matso yawo.› »