MATIYO 19:29 - Ha`bari Ndjema ya I Maore

²⁹ Na mutru yotsi itsokao amba alishi ha siɓaɓu ya lidzina langu nyumba, wananyahe watruɓaɓa na watrumama, ɓaɓahe, mayahe, [mushe wahe], wana wahe, au mazamba, atsopara ata mara miya, atsopara na uhayati mukamilifu wa daima.

MATIYO 19:29 ပူးပေါင်းရင်းမြစ်များ

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

MATIYO 13:23

Na uwo apara yamaela hari mwa trotro ndjema, isurongoa ɗe uwo akiao uurongozi, auelewao. Waye utoa mavuna: mbia moja udza miya, yangina sitini, na yangina thalathini.»

MATIYO 13:8

Zasalia zipuliha hari mwa trotro ndjema. Ɓas, zitowo mavuna: v̄wa zatoa miya, zasalia sitini, iv̄o zangina thalathini.

MATIYO 16:25

Mana mutru atsahao avukise nafusi yahe, itsomulatsishiha; ɓadi uwo atsolatsishiwa na nafusi yahe ha siɓaɓu ya wami, atsoivukisa.

MATIYO 19:16

Suku, Insa ajiliwa na mutru amudzisa: «Fundi, ndjema trini ɗe yalazimu niifanye, ile nipare uhayati mukamilifu wa daima?»

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

MATIYO 25:46

Ɓas, wao watsendra hari mwa ãdhaɓu ya daimani aɓada, ɓadi warahara wale hari mwa uhayati mukamilifu wa daima.»

MATIYO 5:11

Furaha hanyuju neka wanadamu wasumuruhanani, wasumutresani, au wasumukadzani pandra la peu la kula namuna ha siɓaɓu ya wami.

MATIYO 6:33

Namutsahe raɓuzi Utawalizi wa Mungu na izo azitsahao, na piya zile mutsoengedzewazo.

LUKASI 14:26

«Neka mutru asunijilia aniɗunge, ne asumuv̄endza ɓaɓahe, mayahe, mushe wahe, wana wahe, wananyahe, au ata inafusi yahe rahana wami, katsoshindra aka swihaɓa langu.

LUKASI 5:11

Ɓas, wahedza laka zawo, amwesa walishi piya trongo zawo, wamuɗungu.

LUKASI 6:22

Furaha ha wanyu watru wamomuengani, au wamomutengani, au wamomuruhanani, au wamohetsi dzina lanyu amba ɓovu ha siɓaɓu ya uMwana wa Mwanadamu.

YUHANI 15:19

Na djeli muka wa lidunia, lidunia latsomuv̄endzani amba wa wilo. Na wanyu tsi wa lidunia, ɓadi tsimutsahuani hari mwa lidunia; iyo ɗe imana ata lidunia limuengaoni.

YUHANI 4:36

Monyewe uvuna madza asupara mwadjara, asungulidza mavuna ya uhayati mukamilifu wa daima, pare ule ayelao na ule avunao, wafurahi v̄umoja.

MAV̄INGIZI-RISALA 9:16

Nitsomuonesa piya yamatreso alazimu ayav̄iriye ha siɓaɓu yangu.»

1 MAKORINTIYO 2:9

Ɓadi mauri ɗe iheli yaangihwa moni na uMuangishio Mutwaharifu: «Trongo zilio amba dzitso kalaziona, kio kalazikia, wala kazangia hari mwa umo wa mwanadamu, trongo zilio amba Mungu azitayarishia wao wamuv̄endzao.»

2 MAKORINTIYO 5:16

Ha izo rangu v̄anu, karisuangalia atsokao yotsi ha shiuɓinadamu. Wala ukana rakomuangalia Kristi ha shiuɓinadamu, av̄asa karisumuangalia tsena namuna ile.

MAFILIPI 3:8

Wala tsi tu, ɓadi nisuona raha piya amba hasara namoangalia ifaida yazidi ya umujua Kristi-Insa Raɓi wangu, alio amba ha siɓaɓu ya waye, tsilishi piya, tsena nisuziona piya mauri tsama, ne nimupare Kristi,

1 MONYE 4:14

Neka musunaziwa ha siɓaɓu ya lidzina la Kristi, v̄av̄o muɓarikishiha, mana iRoho yendza utukufu ya Mungu ya hanyuju.

3 YUHANI 1:7

Mana ɗe ha siɓaɓu ya lidzina la Kristi ɗe wao walawa, ɓila upara itsokao yotsi ha wale kawamuji Mungu.