MATIYO 19:21 - Ha`bari Ndjema ya I Maore

²¹ Insa amudjiɓu: «Neka usutsaha ike amba urahara, endra waudze izo ulionazo, uv̄e ifaida zimasikini, na v̄av̄o utsokana utadjirifu mbinguni; amwesa uje uniɗunge.»

MATIYO 19:21 ပူးပေါင်းရင်းမြစ်များ

MATIYO 16:24

Amwesa Insa aambia maswihaɓa yahe: «Neka mutru asutsaha aniɗunge, nadziɗelese iwaye yahe, adzitrihise umuri wa pawa wahe, iv̄o aniɗunge.

MATIYO 19:20

Shaɓaɓi ule amuambia: «Tsiɗungu piya trongo izo; trini ɗe yaniɓakia raha?»

MATIYO 19:22

Ɓadi shaɓaɓi ule ukia yahe marongozi yale, andre dzahe na huzuni, mana akana mali nyengi.

MATIYO 19:28

Insa awaambia: «Nisumuambiani ha kweli, wakati wa uMuumbio Muv̄ia, uMwana wa Mwanadamu amoketsi hari mwa ishiri ya yezi ya utukufu wahe, wanyu mwaniɗunga mutsoketsi wajau hari mwa ziri za yezi kumi na mbili, ile muhukumu zingudjama kumi na mbili za Israila.

MATIYO 4:19

Sa ile awaambia: «Namuniɗunge, na wami nitsomufanyani walozi wa wanadamu.»

MATIYO 5:48

Ɓasi namurahare, mauri ɗe Ɓaɓanyu mbinguni, alio amba arahara.»

MATIYO 8:22

Ɓadi Insa amudjiɓu: «Niɗunge, ulishe wafu wadzihe wafu wawo.»

MATIYO 9:9

Uendrelea yahe, Insa aono mutru aketsi moni na fuko la hazi za uliv̄isa latete, akohiriwa Matiyo. Ɓas, amuambia: «Niɗunge!» Sa ile ahimi, amuɗungu.

MARKUSI 10:21

Sa ile Insa amuangalia ha mahaɓa, amuambia: «V̄uhuɓakia trongo moja: endra waudze piya ulionazo, uv̄e zimasikini zifaida, v̄av̄o utsokana utadjirifu pev̄oni; amwesa uje uniɗunge!»

MARKUSI 2:14

Uv̄ira yahe ndziani, amuono Lawi, mwana wa Halifa, aketsi moni na pa la uliv̄isa latete. Amuambia: «Niɗunge!» Sa ile Lawi ahimi, amuɗungu.

MARKUSI 8:34

Amwesa Insa ahiri idunia yaka v̄ale, v̄umoja na maswihaɓa yahe, awaambia: «Neka mutru asutsaha aniɗunge, nadziɗelese iwaye yahe, adzitrihise umuri wa pawa wahe, iv̄o aniɗunge.

LUKASI 12:33

Namuudze mali zanyu, zifaida muzitowe zaka. Namudzifanyiye mifuko ya marike kayikomoha, utadjirifu kaushashiha pev̄oni v̄ahanu mwidzi kav̄ukuruɓia, wala ɓiɓi kalimenye.

LUKASI 14:33

Ɓasi ha izo, yotsi hari mwanyu katsolisha piya izo alionazo, katsoshindra aka swihaɓa langu.»

LUKASI 16:9

Ɓasi wami nisumuambiani, namudzifanyiye wandzani ha imali ya lidunia lini, ile pare zamomulawiani, murengwe hari mwa makao ya daima.

LUKASI 18:22

Insa wakati akia trongo zile, amuambia: «V̄uhuɓakia tsena trongo moja: udza piya izo ulionazo, uanisiye zimasikini, na v̄av̄o utsokana utadjirifu pev̄oni. Amwesa uje uniɗunge.»

LUKASI 5:27

Ɓaanda ya v̄ale Insa alawa, aono muliv̄isa-latete akohiriwa Lawi, aketsi moni na inyumba ya hazi yahe. Amuambia: «Niɗunge.»

LUKASI 6:40

Mwanashoni kaka uju rahana fundi wahe, ɓadi kula mwanashoni ahitimu, atsoka mauri ɗe fundi wahe.

LUKASI 9:23

Amwesa aambia piya watru: «Neka mutru atsaha aniɗunge, nadziɗelese iwaye yahe, kula suku nadzitrihise umuri wa pawa wahe, iv̄o aniɗunge.

YUHANI 10:27

Maɓariɓari yangu uvulishia ji langu. Wami uyajua, na yao uniɗunga.

YUHANI 12:26

Neka mutru asutsaha anirumishiye, naniɗunge; na v̄ahali nilio, v̄av̄o wajau ɗe v̄ahali murumishi wangu atsokao. Neka mutru asunirumishia, Ɓaɓangu atsomuhishimu.

MAV̄INGIZI-RISALA 2:45

Wakoudza piya mali zawo na zitru zangina zawo, warenge zifaida, waanyisiana, ata kula mutru akopara ha kiasi ya usongefu wahe.

MAHEƁRANIYA 10:34

Kweli amba muono utungu v̄umoja na wao waka wafungwa, tsena ha furaha mukuɓali muv̄oshewe ndjema zanyu, iv̄o mwakojua amba muna utadjirifu wazidi utsokao dahari.