MATIYO 15:28 - Ha`bari Ndjema ya I Maore

²⁸ Ɓas Insa amuambia: «Mama, uaminifu waho muhodari! V̄av̄o naike mauri ɗe inamuna utsahao.» Sa na isa ile kamwe mwana mutrumushe wahe ule av̄ono.

MATIYO 15:28 ပူးပေါင်းရင်းမြစ်များ

MATIYO 14:31

Sa ile kamwe Insa av̄eleha umuhono amusiki, amwesa amuambia: «He wawe mwendza uaminifu mushashi. Manatrini wangia taradudu?»

MATIYO 15:27

Sa ile mutrumama ule amuambia: «Kweli Mutukufu, ɓadi mbwa uɗya kenye zipuliao v̄otsi ulawa mezaju ha wanyewezo.»

MATIYO 8:10

Wakati Insa akia zile ashanga, ata aambia wale waka wamuɗunga: «Nisumuambiani ha kweli, ata hari mwa iIsraila, ne tsapara uaminifu muɓole mauri ɗe unu.

MATIYO 8:13

Amwesa Insa amuambia djukuma ule: «Endra; itrongo wakana uaminifu nayo, naifanyishihe.» Sa ɗe ile kamwe na mutru wa hazi ule av̄ono.

MATIYO 9:22

Sa ile Insa azingi amuono, amuambia: «Mama, dzitriye ɓari! Uaminifu waho uhuv̄onesa.» Ɓas, mutrumama ule av̄ono sa na isa ile.

MARKUSI 5:34

Ɓas, Insa amuambia: «Mama, uaminifu waho uhuv̄onesa. Endra dzaho ha salama, amba uv̄onesewa na maradhi yaho.»

LUKASI 17:5

yaMav̄ingizi-Risala yamuambia Raɓi: «Riengedzeye uaminifu.»

LUKASI 7:50

Ɓadi Insa amuambia mutrumama ule: «Uaminifu waho uhuhuyi; endra ha usalama.»

LUKASI 7:9

Wakati Insa akia marongozi yale, ashanga na mutru ule. Sa ile azingi, aambia idunia ile yakomuɗunga: «Nisumuambiani amba ata hari mwa iIsraila, ne tsapara uaminifu muɓole mauri ɗe unu.»

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.