MATIYO 14:29 - Ha`bari Ndjema ya I Maore

²⁹ Insa amuambia: «Ko ɓasi!» Sa ile Monye alawa djahazini v̄ale, andre ha ugaɗa yamaji amupare Insa.

MATIYO 14:29 ပူးပေါင်းရင်းမြစ်များ

MATIYO 14:28

Ɓas Monye amuambia: «Raɓi, neka kweli ɗe wawe, ãmurisha nije nihupare ha uendra hari mwa yamaji.»

MATIYO 14:30

Ɓadi uona yahe amba ipev̄o ikana nguvu, angia faza. Na ɓaanda akoandrisa urora, alatsa keme ha urongoa: «Raɓi, nidiriki!»

MATIYO 17:20

Awadjiɓu: «Mana uaminifu wanyu wa mushashi. Nisumuambiani ha kweli, na djeli mukana uaminifu, wala ukana mutiti mauri ɗe ititi hari mwa zimbia, mwatsoãmurisha mulima unu ulawe v̄ahanu ulio, wendre v̄wangina, na uwo utsendra; kav̄u yotsi yatsomushindraoni.

MATIYO 21:21

Insa awadjiɓu: «Nisumuambiani ha kweli, na djeli mukana uaminifu ɓila taradudu itsokao yotsi, tsi ɓasi amba mwatsofanya zafanyiwa mufigiye ule tu, ɓadi ata mwamoambia mulima unu amba: ‹Dzitowe v̄av̄o, udzipulise ɓaharini›, na izo zatsofanyishiha.

MARKUSI 9:23

Insa amuambia: «Usurongoa amba ‹neka utsoshindra›? Piya umukinishiha ha uwo aaminio.»

LUKASI 17:6

Ɓas Raɓi arongoa: «Na djeli mukana uaminifu mauri mwana mbia mutiti rahana umutiti, mwatsoambia umuri unu: ‹Dzirurumwe, wadzitaɓu ɓaharini›, na uwo utsomutuĩni.»

MAV̄INGIZI-RISALA 3:16

Ɗe lidzina lahe, ha uaminifu na lidzina lilo, ɗe lahodarisha mutru uwo mumuonao tsena mumujuao. Ɗe uaminifu na waye ɗe watsongesha mutru ule apara unono watsimu mbeli zanyu.

MAROMU 4:19

Wala uaminifu wahe kawakopuha ɓari ufikiri yahe amba umwili wahe madza uka mauri ufu ha iv̄o aka kariɓu na utsimidza maha miya, na Sara kakana madzazi.

MAFILIPI 4:13

Kula trongo wami uishindra ha uv̄umoja wangu na uwo aniv̄ao nguvu.