MATIYO 13:44 - Ha`bari Ndjema ya I Maore

⁴⁴ «Utawalizi wa Monyewe ziMbingu ujua ufanisiwe raha na dafine yadzamisiwa moni na shamba. Mutru aiparao, uitsitsa raha, na ha ifuraha yahe, waye uendra audze piya alionayo, pare anunuwe shamba lile.»

MATIYO 13:44 ပူးပေါင်းရင်းမြစ်များ

MATIYO 13:24

Insa awatolea raha mufano wangina tsunu: «Utawalizi wa Monyewe ziMbingu ufana na mutru atsanya maela mema mundrani hahe.

MATIYO 13:46

Amopara lulu yendza thamani ɓole, waye uendra audze piya alionayo, pare ainunuwe.»

MATIYO 13:47

«Utawalizi wa Monyewe ziMbingu ujua ufanisiwe raha na wavu wavutswa ɓaharini, amba usike kula aina ya fi.

MATIYO 19:21

Insa amudjiɓu: «Neka usutsaha ike amba urahara, endra waudze izo ulionazo, uv̄e ifaida zimasikini, na v̄av̄o utsokana utadjirifu mbinguni; amwesa uje uniɗunge.»

MATIYO 19:27

Ɓas, v̄ale Monye arenge umurongo, amuambia: «Tsasi, rilishi piya zatru, ne rihuɗunge. Trini ɗe ritsoiparao?»

MATIYO 19:29

Na mutru yotsi itsokao amba alishi ha siɓaɓu ya lidzina langu nyumba, wananyahe watruɓaɓa na watrumama, ɓaɓahe, mayahe, [mushe wahe], wana wahe, au mazamba, atsopara ata mara miya, atsopara na uhayati mukamilifu wa daima.

MATIYO 6:21

Mana v̄ahanu v̄ulio utadjirifu waho, v̄av̄o wajau ɗe v̄utsokao umo waho.»

LUKASI 14:33

Ɓasi ha izo, yotsi hari mwanyu katsolisha piya izo alionazo, katsoshindra aka swihaɓa langu.»

YUHANI 6:35

Sa ile Insa awaambia: «Wami ɗe lidipe la uhayati. Mutru anijiliao, katsoona ndza dahari yahe, na uwo aniaminio, katsoona nyora ata idahari.

MAROMU 15:4

Mana piya izo zaangihwa rangu zamani ziangihwa ha urifundra, pare ha isuɓira na iɓari ritrilwao na uMuangishio Mutwaharifu, rikane tama.

MAKOLOSIYA 2:3

alio amba haheju ɗe v̄wadzama piya zidafine za ihikima na za ujuzi.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

MAHEƁRANIYA 10:34

Kweli amba muono utungu v̄umoja na wao waka wafungwa, tsena ha furaha mukuɓali muv̄oshewe ndjema zanyu, iv̄o mwakojua amba muna utadjirifu wazidi utsokao dahari.

MUV̄ENULIO 3:18

Nisuhusariɓia ununuwe dhahaɓu hangu ilio amba iswafishiha ha moro, ile utadjirishihe; ununuwe nguo ndjeu, ile ike amba upindri, pare iaĩɓu ya wadzi waho yasuv̄enuhe; na ɗalao la utria matsoni pare uone.