MATIYO 13:30 - Ha`bari Ndjema ya I Maore

³⁰ Namuyilishe yihuwe v̄umoja ata wakati wa mavuna. V̄av̄o nitsoambia wavunizi: «Namururumuwe raɓuzi yimimea miovu, muyingulidze maɓi ile yavudzwe, iv̄o mwamungulidze umurama-mutsa kanyani hangu.» › »

MATIYO 13:30 ပူးပေါင်းရင်းမြစ်များ

MATIYO 13:25

Ɓadi wakati watru waka walala, ãduwi yahe aja, atsanya mbia mbovu hari-hari na yimirama-mitsa v̄ale, amwesa andre dzahe.

MATIYO 13:29

Ɓadi awadjiɓu: ‹Ãhã, mana mwamorurumwa yimimea miovu, nisurilia wanyu upua wajau yimimea mema.

MATIYO 25:32

V̄av̄o piya zinishani zitsongulidziwa mbeli zahe. Wakati uwo atsoɓausa watru, mauri mutsunga atengao yamaɓariɓari na zimbuzi.

MATIYO 25:41

Amwesa atsoambia wao watsokao potroni hahe: ‹Namuniɓaushiye v̄anu wanyu mwalaanwa! Namwendre hari mwa umoro ulio amba kauzimiha dahari watayarishiwa Iɓilisa na warumizi wahe!

MATIYO 3:12

Asiki utseo wahe muhononi, atsorahatsa ɓandza lahe arwao, atenge liguru na zitrundra, agamise mele yahe moni na kanya; ɓadi atsovudza liguru moni na moro kauzimiha.»

LUKASI 3:17

Mihononi hahe asiki utseo wahe, ile atenge liguru na zitrundra, azigamise kanyani. Ɓadi atsovudza liguru moni na moro kauzimiha ha daima.»

YUHANI 15:6

Neka mutru kasuɓaki hari mwa uv̄umoja na wami, waye ulatswa v̄ondze mauri ɗe litrahi, na lilo uhuma; amwesa yamarahi yao ungulidziwa, uvutswa moroju yavudzwa.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

1 TIMUTAUSU 5:24

Madhambi ya ɓaãdhwi ya watru uv̄enuha, ata kaɓula neka amba raha kayanamulwa; na ya wasalia uv̄enuha amba ɓaanda yanamulwa.