MATIYO 12:39 - Ha`bari Ndjema ya I Maore

³⁹ Awadjiɓu: «Dunia ɓovu la leo lini kalina uaminifu lisudayi ãlama ya midjuza, ɓadi kalitsoonesewa ãlama yangina neka tsi ɗe ya mutrume Yunusa ile.

MATIYO 12:39 ပူးပေါင်းရင်းမြစ်များ

MATIYO 16:4

Zama mbovu za leo kazina uaminifu, zisutsaha ãlama ya midjuza! Kazitsoonesewa ãlama yangina neka tsi ɗe ya Yunusa.» Amwesa awalishi v̄ale, andre dzahe.

MARKUSI 8:12

Insa atri pumu ha kusudi rohoni, amwesa arongoa: «Manatrini lidunia la leo lini litsahao ãlama ya midjuza? Nisumuambiani ha kweli, lidunia la leo lini kalitsoonesewa ãlama!»

MARKUSI 8:38

Mutru aonao haya ha siɓaɓu ya wami na yamarongozi yangu mbeli za uwatru tsi maaminifu maãswifu wa lidunia la leo lini, ɓasi uMwana wa Mwanadamu atsoona haya wajau ha siɓaɓu ya mutru ule wakati atsojao hari mwa utukufu wa Ɓaɓahe v̄umoja na zimalayika ndzitwaharifu.»

YAKOƁU 4:4

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.