MATIYO 11:6 - Ha`bari Ndjema ya I Maore

⁶ Aɓarikishiha uwo tsarendresheha siɓaɓu ya taradudu na uaminifu wahe.»

MATIYO 11:6 ပူးပေါင်းရင်းမြစ်များ

MATIYO 13:21

Ɓadi kasina mizi hahe monyewe, waye kausiki neka tsi mwana muda. Wakati v̄ujao ãdhaɓu au matreso ha siɓaɓu ya urongozi ule, sa ile kamwe waye uuparia siɓaɓu ya ukwala.

MATIYO 18:7

Maondo ha ulemengu, iv̄o v̄ulio trongo zikwalisao! Lazima amba v̄uke trongo zikwalisao, ɓadi maondo ha uwo atsotsongao zije!

MATIYO 24:10

V̄av̄o tsena ha watru wengi itsoka siɓaɓu ya ukwala hari mwa uaminifu wawo, watsov̄iriana nyuma na uengana.

MATIYO 26:31

Amwesa Insa aambia maswihaɓa yahe: «Uku v̄anu, nitsoka mutsongesheo wa ukwalifu wa wanyu piyanyu; mana v̄uangihwa: ‹Nitsorema umutsunga, na maɓariɓari ya liɓangwe yatsotsambadziwa.› »

MATIYO 5:29

Neka dzitso la hume laho litsongesa upulihe hari mwa dhambi, livoɓowe, ulilatse mbali na wawe, mana iyo ɓorwa hahoju ulatsishiwe na shiga moja, rahana umwili waho mukamili utrilwa moni na umoro wa Djahanama.

MARKUSI 6:3

Afa unu tsi ɗe umufanyizi-hazi za miri, mwana wa Mariama, mwananyahe wa Yakoɓu, Yosesi, Yudasi, na Simoni mwa? Na wananyahe watruwashe tsi ɗe wanu walio v̄umoja na wasi v̄anu?» Ɓasi v̄ale kawakomuamini.

LUKASI 2:34

Ɓas, Simeona awaɓariki, amwesa umuambia mayahe Mariama: «Kweli amba mwana unu ahetsiwa ake siɓaɓu ya umuusio na umuhimio ha watru wengi wa Israila, tsena ake ãlama itsotsongeshao ukinyume ha watru.

LUKASI 7:23

Tsena furaha ha uwo tsarendreha siɓaɓu ya waye ukwala.»

YUHANI 16:1

«Tsimuambiani trongo zini, pare musukwale na uaminifu wanyu.

YUHANI 6:66

Rangu v̄ale wengi wa maswihaɓa yahe wadzivuru, kawakondra na waye tsena.

1 MAKORINTIYO 2:14

Ɓadi mwanadamu nyama-nyama kashindri ukuɓali trongo zahusu iRoho ya Mungu. Mana haheju izo ujinga, tsena kashindri uzijua, mana izo unamulwa ha iRoho.

MAGALATWIYA 5:11

Na wami uv̄andre wangu wananyangu, na djeli amba nakoĩdhia raha utahiriwa, manatrini ata nitsotreswao raha? V̄av̄o itsoka amba isiɓaɓu ya ukwalisa ilio hari mwaumuri wa pawa|muri wa pawa, kaitsoka tsena.

1 MONYE 2:8

Na tsena: «Ɓwe likwalisao, ɓwe-monye liusao.» Wao ulikwala, mana kawasutuĩ Urongozi. Na iyo ɗe itrongo wahetsiwayo.