MATIYO 11:5 - Ha`bari Ndjema ya I Maore

⁵ wafa-matso wasuona, magoɓo yasurengelea uendra, waenefu wasutwaharishiha, wafa-makio wasukia, wafu wasuregezewa hayi, na iHaɓari Ndjema isujudziwa zimasikini.

MATIYO 11:5 ပူးပေါင်းရင်းမြစ်များ

MATIYO 10:8

Namuv̄onese wawaɗe, namuregeze hayi uwafu, mutwaharishe waenefu, muĩdziye mazetwani. Mupara ɓure-ɓure, namuv̄e ɓure-ɓure.

MATIYO 11:4

Insa awadjiɓu: «Namwendre mwamuambiye Yahaya izo muzikiao na muzionao:

MATIYO 12:13

Ɓas, aambia mutru ule: «Ondzoa muhono waho.» Auondzoa, na uwo uregea munono mauri ɗe umoja.

MATIYO 21:14

Wakati ule v̄umujilia wafa-matso na magoɓo moni na iNyumba Ndzitwaharifu ile, na waye awazihira.

MATIYO 5:3

«Furaha ha wao wadzijuao na usikini wa roho, mana Utawalizi wa Monyewe ziMbingu, uwo wawo.

MATIYO 9:30

Ɓas, matso yawo yaɓuha. V̄ale Insa awafahamisha ha kusudi zini: «Namufahamu, v̄wasuke ata mutru ajua trongo iyo.»

MARKUSI 7:37

Ɓas, waka hari mwa ushangavu muɓole halisi, tsena wakorongoa: «Asufanya piya ha uzuri. Asufanya ata wafa-makio wakiye, na maɓuɓu yalaguwe!»

MARKUSI 9:25

Wakati Insa aona dunia nyengi zaidi iremao mbio ije ingulidzane v̄ale, alagulia djini la peu lile ha uliambia: «He wawe djini la peu ɓuɓu dzifa-makio, nisuhuãmurisha, ɓaushia mwanamutsa uwo, wala usumungiye tsena!»

LUKASI 4:18

«iRoho ya Mola ya ju langu, mana anitsahua nijudze Haɓari Ndjema ha zimasikini. Aniv̄eleha [nizihire wao waliona utungu wa roho], nijudze uwokovu ha wao walio ngweni na ha uwafa-matso amba watsoregea waone, niwokowe wao watreswao,

YUHANI 10:25

Insa awadjiɓu: «Tsimuambiani, ne kamusuamini. Zitrendro nizifanyao ha lidzina la Ɓaɓangu zisunilawia ushahidi.

YUHANI 10:38

Ɓadi neka nisuzifanya, wala ukana amba kamusuniamini wami, namuamini zitrendro zile, pare mujuwe amwesa muelewe, amba Ɓaɓa a moni hangu, na wami tsa moni ha Ɓaɓa.»

YUHANI 2:23

Wakati Insa aka Yerusalemu hari mwa umusherehio wa Unahanizi wa Mutupio, wengi wa watru waja wamuamini uona yawo ziãlama za midjuza akozifanya.

YUHANI 3:2

Suku mengoni mwa suku, amujilia Insa uku, amuambia: «Mutukufu, risujua amba wawe fundi wav̄elehwa na Mungu. Mana kav̄u mutru ashindrao afanye ãlama za midjuza zizo uzifanyao, neka Mungu kasi na waye.»

YUHANI 5:36

Ɓadi wami tsina ushahidi muɓole rahana wa Yahaya. Mana zitrendro Ɓaɓa aniv̄azo nizitsimidze, zini kamwe nizifanyao, zisunilawia ushahidi amba Ɓaɓa ɗe aniv̄eleha.

YUHANI 9:7

amwesa amuambia: «Endra wawauso hari mwa iɓirika ya Siloamu.» (Mana ya dzina lilo «uv̄elehwa.») Ɓas, andre awauso, amwesa aregea, aono.

MAV̄INGIZI-RISALA 2:22

«Ha izo, wanyu Maisraila|Israila, namuvulishiye marongozi yanu: Mungu amudhiɓitishani umutsahulio wa Insa wa Nazareti, ha utsimidza ha indzia yahe midjuza, ãdjaɓu, na ãlama za midjuza mbeli zanyu, mauri ɗe inamuna wanyu wenyewe mujuao.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?