MATIYO 11:29 - Ha`bari Ndjema ya I Maore

²⁹ Namutrihe mulandza wangu, mufundrihe hangu, mana wami mutrulivu, tsena muekevu wa roho; na v̄av̄o wanyu mutsopara uv̄umuzi wa roho zanyu.

MATIYO 11:29 ပူးပေါင်းရင်းမြစ်များ

MATIYO 17:5

V̄ale raha akorongoa trongo zile, ne v̄uwashukia vingu lakovaga, liwav̄ishidza. Na sa ile v̄ukilihana ji lalawa vinguni v̄ale, larongoa: «Unu ɗe uMwana muv̄endzewa wangu, tsena wami ujiv̄iwa halisi na waye; namumuvulishiye!»

MATIYO 21:5

«Namuambiye mwana mutrumushe wa Siyuna: ‹Tsuwo umufalume waho asuhujilia na utrulivu, apandra pundra, mwana-pundra, mwana wa shinyama itrikao.› »

MATIYO 28:20

muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

MATIYO 7:24

«Ɓasi kula akiao marongozi yangu yanu, ayatriao ndziani, ufana na mwendza ãkili aundra nyumba yahe hari mwa mudjasasa wa ɓwe.

LUKASI 8:35

Ata v̄ale watru wakwendra waone trongo zile zahidjiri. Waja wamupara Insa, waono mutru ule mazetwani yamulawia, aketsi mindruni hahe amba apindri, tsena akana ziãkili zahe hodari. Sa ile waremwa na faza.

YUHANI 13:15

Mana tsimuv̄ani mufano, pare mufanye mauri ɗe iheli namufanyiani.

YUHANI 13:17

Mwamojua trongo zizo, v̄av̄o mwa rahani neka musuzitria ndziani.

MAV̄INGIZI-RISALA 7:37

Musa uwo ɗe aambia uwatru wa Israila: ‹Mungu atsomuv̄elesheani ulawa hanyuju mutrume mauri ɗe wami.›

1 MAKORINTIYO 9:21

Ha wao walio ɓila iSharia tsika mauri mutru kasina iSharia, wakati ulio amba wami ha wami kaisi amba tsisina iSharia ya Mungu, ɓadi tsitawaliwa na iSharia ya Kristi. Trongo ini tsiifanya, ile nipare wao walio ɓila iSharia.

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 10:5

Risuv̄indrusa ziãkili za trambo na kula ufahari udzihedzao kinyume na ujuzi wamuhusu Mungu, tsena risuv̄inga kula fikira ifanyihe mufungwa hari mwa itrongo ya umutuĩ Kristi.

MAFILIPI 2:5

Namukane wanyu na wanyu inamuna Kristi-Insa akanayo:

1 MATESALONIKA 4:2

Kweli amba musujua maosio ramuv̄aniwo ulawa ha Raɓi Insa.

2 MATESALONIKA 1:8

Atsov̄enuha moni na jenge la moro, ile aãdhiɓu wao kawasumujua Mungu na wao kawasutuĩ iIndjili ya Raɓi watru Insa.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

1 YUHANI 2:6

ɗe amba uwo arongoao amba a hari mwa uv̄umoja na waye, alazimu adziv̄inge mauri ɗe inamuna waye adziv̄inga.