MATIYO 10:42 - Ha`bari Ndjema ya I Maore

⁴² Mutru yotsi atsov̄ao wala ukana kapoka ya maji ya rutuɓa moja hari mwa watiti wao, ha siɓaɓu amba waye swihaɓa langu, nisumuambiani ha kweli, ha yakini katsolatsishiwa na thawaɓu yahe.»

MATIYO 10:42 ပူးပေါင်းရင်းမြစ်များ

MATIYO 18:10

«Namudzitahadharishe na uv̄ungua moja hari mwa watiti wanu; mana nisumuambiani amba malayika zawo pev̄oni, ha dahari za maswa na Ɓaɓangu alio pev̄oni. [

MATIYO 18:14

Ha izo wajau, tsi ɗe mav̄endzeleo ya Ɓaɓanyu alio mbinguni, amba v̄upoteye moja hari mwa watiti wanu.»

MATIYO 25:40

Sa ile mufalume atsowadjiɓu: ‹Nisumuambiani ha kweli, kula wakati mwakofanyiazo mutiti moja hari mwa wananyangu watiti rahana watiti wao, v̄ale mwakonifanyiazo ɗe wami.›

LUKASI 17:2

Ɓasi itsoka ɓorwa waye ufungwa na ɓwe tsingoju, andre atrilwe nanga zilindrini, rahana uka amba waye ɗe akwalisa moja hari mwa uwatiti wao.

LUKASI 6:35

Ɓadi namuv̄endze maãduwi yanyu, namurendre zema, mwazime, ɓila utumainia ata shitru. Na thawaɓu yanyu itsoka ɓole, tsena mutsoka wana wa Monyewe Uju rahana Uju; mana waye mwema ha wao kawamuhimidia, na ha waovu.

2 MAKORINTIYO 8:12

Mana ushauku muɓole wamoka, uwo ukuɓalishiha ulingana na iyo mutru alionayo, ɓadi tsi na iyo mutru kasina.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.