MATIYO 10:28 - Ha`bari Ndjema ya I Maore

²⁸ Musuriye wao waulao mwili, wala kawashindri uula roho. Mutru alazimu mumuriye, ɗe uwo ashindrao aangamidze iroho na umwili moni na umoro wa Djahanama.

MATIYO 10:28 ပူးပေါင်းရင်းမြစ်များ

MATIYO 10:26

«Ɓasi musuwariye. Kav̄usi yadzama ilio amba kaitsov̄enuha, wala ya siri kaitsojulihana.

MATIYO 25:46

Ɓas, wao watsendra hari mwa ãdhaɓu ya daimani aɓada, ɓadi warahara wale hari mwa uhayati mukamilifu wa daima.»

MATIYO 5:22

Ɓadi wami nisumujudzani amba mutru yotsi atsojaliao hasera munyahe, alazimu ahukumulwe; na mutru yotsi atsomuambiao munyahe amba waye mupuzi, atsov̄itswa mahakama mbeli za uMungulidzano wa Waɓole|Mungulidzano wa Waɓole; na uwo atsomuambiao munyahe amba waye gedze, atsostahiki mahakama ya umoro wa Djahanama.

YUHANI 5:29

na wao watsolawa. Wao wafanya ndjema watsoregezewa hayi, ile wake na uhayati, ɓadi wao wafanya mbovu watsoregezewa hayi, ile wav̄ire hari mwa hukuma.

MAV̄INGIZI-RISALA 21:13

Sa ile adjiɓu: «Manatrini mulilao, munipuao ɓari iroho yangu? Tsa tayari, tsi ha ufungwa tu, ɓadi ata ha ufa Yerusalemu ha siɓaɓu ya lidzina la Raɓi Insa|Raɓi.»

MAHEƁRANIYA 10:31

Iyo trongo irisidzao, upuliha mihononi ha Mungu alio hayi.

MAHEƁRANIYA 11:35

V̄wa watrumama wapara wafu wawo ha muregezeo hayi. Ɓadi wasalia watreswa ɓila kawakuɓali ukombofu, ile wapare muregezeo hayi mwema zaidi.

YAKOƁU 4:12

V̄wa moja tu ɗe alio Mutolezi-Sharia tsena Munamuzi, ne ɗe Uwo ashindrao ahuyi na uangamidza. Ɓadi wawe, wawe mbani ata unamuao munyaho?

1 MONYE 3:14

Na wala ukana musuondesheha ha siɓaɓu ya ihaki, v̄av̄o muɓarikishiha. «Musukane trisidzo na wao, tsena mwasuɓaɓanyihe.»

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.