MATIYO 10:16 - Ha`bari Ndjema ya I Maore

¹⁶ «Namujuwe, nisumuv̄elehani mauri maɓariɓari hari-hari na mbwa nyeha. Ha izo, namuke wendza ãkili mauri ɗe zinyoha, tsena muke warembwavu mauri zukuru.

MATIYO 10:16 ပူးပေါင်းရင်းမြစ်များ

MATIYO 24:25

Tsini, tsimujudzani rangu kaɓula.

MATIYO 24:45

«Uv̄i ɗe murumizi muaminifu mwendza hikima murumisa wahe amudhwaminisha muraɓa wahe, av̄e zahula watru wahe wakati walazimu?

MATIYO 25:2

Watsano hari mwawo waka wapuzi, na watsano waka wendza hikima.

MATIYO 25:4

Ɓadi wendza hikima wale wav̄ingi v̄umoja na mahombe yawo, matra moni na ziya.

MATIYO 25:9

Ɓadi wendza hikima wale wadjiɓu: ‹Kaitsokiri, mana kayatsoritosha wasi na wanyu. Ɓorwa mwendre ha maudzizi-matra, mwadzinunuliye.›

LUKASI 10:3

Namwendre; namuvulishiye, nisumuv̄elehani mufano wa wana maɓariɓari wandrao hari-hari mwa mbwa nyeha.

LUKASI 21:15

Mana nitsomuv̄ani yamarongozi na ihikima, zilio amba piya wao walio kinyume na wanyu, kawatsoshindra wamukilimbiani au wamukanyushani.

MAV̄INGIZI-RISALA 20:29

Nisujua amba ɓaanda itsokao amba tsilawa, mbwa nyeha kali za watru zitsongia hari mwanyu, watru walio amba kawatsov̄oreha ata hata liɓangwe.

1 MAKORINTIYO 14:20

Wananyangu, musuke wanatsa hari mwa unamuzi. Hari mwa yahusu imbovu, namuke wanazaza, ɓadi yahusu unamuzi, namuke watru waɓalihi.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

2 MAKORINTIYO 11:14

Na iyo tsi trongo ishangidzao, mana Shetwani waye-waye udzifanya malayika ya heu.

2 MAKORINTIYO 11:3

Ɓadi mauri ɗe inamuna inyoha yamudanganya Hawa ha udjandja wayo, nisuria amba koho la ãkili lanyu lasuje lalaɓiha, laɓauhana na uv̄umoja wa kweli tsena warahara wanyu na Kristi.

2 MAKORINTIYO 8:20

Karisutsaha rasingidziwa na mbovu yahusu umutsango muɓole unu wadhwaminishiwa urumishini hatru.

MAFILIPI 2:15

ile musuparihane na tuhuma, ɓadi muke watru warahara, wana wa Mungu kawasina pandra mbeli za lidunia ɓovu dziãswifu lini, lilio amba moni halo musuwala mauri mwenge hari mwa ulemengu,

MAKOLOSIYA 1:9

Iyo ɗe imana ata wasi wajau, rangu isuku raikia, karisuzia umumiliani Mungu na utsaha amba mujadziwe ujuzi wa mav̄endzeleo yahe, ha kula hikima na ushindzi wa uelewa shiroho,

MAKOLOSIYA 4:5

Namudziv̄inge v̄umoja na hikima mbeli za wao walio v̄ondze. Namurumiye ha uzuri uwakati mulionawo.

1 MATESALONIKA 2:10

Wanyu mazahidi, na Mungu wajau, amba maendreleo yatru mbeli zanyu wanyu muaminio, yaka twahara, yendza haki, tsena ɓila tuhuma.

1 MATESALONIKA 5:22

Namudziɓalidze na kula aina ya mbovu.