MATIYO 1:20 - Ha`bari Ndjema ya I Maore

²⁰ Iv̄o akofikiri trongo ile, malayika ya Mola imujilia tsindzini, imuambia: «Yusufu, mwana wa Daudu, usuriye umurenga Mariama ake mushe waho, mana umwana amumira, aja ha ushindzi wa iRoho Ndzitwaharifu.

MATIYO 1:20 ပူးပေါင်းရင်းမြစ်များ

MATIYO 1:18

Tsini inamuna umudzalio wa Insa-Kristi waja. Mayahe Mariama aka arumidziwa na Yusufu. Ɓadi kaɓula ya wao ufungia, adzipara na hamili yaja ha ushindzi wa iRoho Ndzitwaharifu.

MATIYO 2:12

Iv̄o wafahamishiwa hari mwa ndzozi wasumuregeye Hirudu, warudi tsiju hawo ha uɗunga ndzia yangina.

MATIYO 2:13

Ɓaanda mataãlamu walawa v̄ale, malayika ya Mola imujilia Yusufu tsindzini, imuambia: «Hima, urenge umwana na mayahe, utrale wendre Miswiri. Ɓaki oho ata namohuambia, mana Hirudu atsozunguha umwana pare amuule.»

MATIYO 2:19

Ɓaanda Hirudu afa, malayika ya Mola imuv̄enushia Yusufu tsindzini Miswiri,

MATIYO 2:22

Ɓadi ukia yahe amba Arkelausa aka arenge liɓandza la ɓaɓahe Hirudu ha utawalia iYudeya, ariyi ondroketsi hule. Na ha iv̄o afahamishiwa hari mwa ndzozi, alawa andre hari mwa liɓavu la Galilaya,

MATIYO 27:19

Na v̄ale kamwe Ɓilatusa aka aketsi hari mwa ishiri ya mahakama, na mushe wahe amulagidzia zini: «Ɓauha, usudzitriye hari mwa trongo za umutwaharifu uwo, mana uku v̄anu tsisongeha halisi tsindzini ha siɓaɓu ya waye.»

MATIYO 28:5

Ɓadi malayika ile irenge umurongo, iambia watruwashe wale: «Mwasuriye wanyu. Nisujua amba musumuzunguha Insa, ule aka aremwa mizumari hari mwa muri wa pawa.

LUKASI 1:19

Malayika ile imudjiɓu: «Wami ɗe Djiɓurilu, wami uka mbeli za Mungu. Tsiv̄elehwa nije nilaguwe na wawe, tsena nihujudze haɓari ndjema iyo.

LUKASI 2:4

Ha izo, Yusufu wajau alawa Nazareti ya iGalilaya ha uendra Yudeya hari mwa liɗago la Daudu lihiriwao Ɓaitilham, mana waye aka mutru wa umuraɓa na wa udjama wa Daudu,

MAV̄INGIZI-RISALA 5:19

Ɓadi uku, malayika ya Mola iɓua yimilongo ya ishiv̄a, iwatowo, amwesa iwaambia:

MUV̄ENULIO 19:7

Narijiv̄iwe na uka hari mwa furaha, amwesa rimutukuze, mana iharusi ya uMwana Ɓariɓari ija, na umushe-harusi wahe adzitayarisha.