MAROMU 9:23 - Ha`bari Ndjema ya I Maore

²³ Au tsena, neka atsaha aonese utadjirifu wa utukufu wahe ha ziziya za urehema azitayarisha rangu kaɓula amba zike za utukufu?

MAROMU 9:23 ပူးပေါင်းရင်းမြစ်များ

LUKASI 1:17

Atsomutrangulia ha iroho na ushindzi wa Eliya, ile agaudze roho za maɓaɓa ha uwana, na wakaidi ha ihikima ya watuĩvu, ile amurengeledzeye Mola umati watayarishiwa.»

MAV̄INGIZI-RISALA 9:15

Ɓadi Raɓi amuambia: «Endra, mana mutru uwo, waye shombo naitsahua ajudze lidzina langu ha zinishani zangina, ha yamafalume, na ha uwana wa Israila.

MAROMU 2:4

Au usudharau utadjirifu wa uwema wahe, wa isuɓira na ustahamilifu wahe, ata kusujua amba v̄av̄o uwema wa Mungu uwo usutsaha uhuv̄inge wendre toɓa?

MAROMU 8:29

Mana wao awajua rangu mwandro, awahetsi wajau rangu kaɓula walingane na umufano wa uMwana wahe, ile pare uMwana wahe ake ɗe zuki hari mwa wananya wengi.

MAROMU 8:30

Na wao awahetsi rangu kaɓula, awahiri wajau; na wao awahira, awahakisha wajau; na wao awahakisha, awatukuza wajau.

MAEFESO 1:18

Naonesheye matso ya roho zanyu, pare mujuwe tama trini ifunganao na umuhirio wahe, na namuna jeje ulio utadjirifu mutukufu wa umwaratha wahe ulio ha uwatwaharifu,

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAEFESO 2:7

ile aonese hari mwa yimida yijao utadjirifu wazidishiha wa urehema wahe aridjaãliawo ha uwema wahe hari mwa uv̄umoja watru na Kristi-Insa.

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAKOLOSIYA 1:12

Namumuhimidiye Ɓaɓatru Mungu amushindrisani ustahiki upara fungu hari mwa umwaratha wa watwaharifu hari mwa iheu.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

1 MATESALONIKA 5:9

Mana Mungu karilisha amba wa hadhaɓu zahe, ɓadi ripare uhuyifu ha ndzia ya Raɓi watru Insa-Kristi,

2 TIMUTAUSU 2:21

Ɓasi neka mutru asudzirahatsa ha udziɓausa na trongo zizo, atsoka shiya ya urumishi wa sheo, yatwaharishiwa, imufayio Monyewe, tayari ya kula urumishi mwema.