MAROMU 8:9 - Ha`bari Ndjema ya I Maore

⁹ Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

MAROMU 8:9 ပူးပေါင်းရင်းမြစ်များ

LUKASI 11:13

Ɓasi neka wanyu namuna mulio waovu, musujua uv̄a wana wanyu zitru ndzuzuri, ha mara ngav̄i zaidi Ɓaɓa alio mbinguni atsov̄ao iRoho Ndzitwaharifu wao wamumiaoyo?»

YUHANI 14:17

Ɗe iRoho ya ukweli amba ulemengu kaushindri waikuɓali, mana kawasuiona, wala kawasuijua. Ɓadi wanyu musumujua, mana waye asuɓaki na wanyu, amwesa atsoka moni hanyu.

YUHANI 14:23

Insa amudjiɓu: «Neka mutru asuniv̄endza, atsosika urongozi wangu, tsena Ɓaɓangu atsomuv̄endza; ritsomujilia, amwesa ritsofanya makazi yatru hahe.

YUHANI 3:34

Na Uwo Mungu amuv̄eleha, urongoa yamarongozi ya Mungu, mana Mungu umudjaãlia iRoho ɓila shiv̄imo.

YUHANI 3:6

Iyo yadzalwa ha mwili, uwo mwili, na iyo yadzalwa ha iRoho, iyo roho.

MAV̄INGIZI-RISALA 16:7

Upara yawo kariɓu na iMisiya, wadjereɓu ungia Ɓitiniya, ɓadi iRoho ya Insa kayawakuɓalia.

MAROMU 7:5

Mana wakati raka ratawaliwa na zitaɓia za shi unadamu zatru, zingushauku za ufanya dhambi zitsongeshewao na iSharia zakoruma ziga za umwili watru, ha namuna amba rakotoa mavuna yav̄ingao hari mwa ufa.

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

MAROMU 8:11

Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

1 MAKORINTIYO 15:23

Ɓadi kula mutru atsoregezewa hayi ha wakati wahe: imimba ya handra ya uregezewa hayi ɗe Kristi, yaɗunga ɗe wao walio wa Kristi wakati atsov̄enuhao.

1 MAKORINTIYO 3:16

Hali kamusujua amba wanyu nyumba ndzitwaharifu ya Mungu, na iRoho ya Mungu isuẽshi moni hanyu?

1 MAKORINTIYO 6:17

Ɓadi uwo adzifungamanisao na Raɓi, ufanyiha roho moja na waye.

1 MAKORINTIYO 6:19

Afa kamusujua amba umwili wanyu, uwo ɗe inyumba ndzitwaharifu ya iRoho Ndzitwaharifu ilio moni hanyu, tsena mwaipara ulawa ha Mungu? Wanyu tsi wanyu wenyewe.

2 MAKORINTIYO 10:7

Wanyu musuangalia zitrongo ha inamuna muzionao. Neka mutru ayakinisha amba waye wa Kristi, nakuɓali wajau zini: neka waye wa Kristi, wasi wajau.

2 MAKORINTIYO 6:16

Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

MAGALATWIYA 4:6

Na ha iv̄o mulio wana, Mungu av̄eleha rohoni hatru iRoho ya uMwana wahe, ilio amba isurongoa ha nguvu: «Aɓɓa!» yaãni «Ɓaɓa!»

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAEFESO 1:13

Wanyu wajau hari mwa uv̄umoja wanyu na waye ɓaanda mwakia urongozi wa ukweli, ne ɗe iIndjili ya ukombofu wanyu, ɓasi hari mwa uv̄umoja uwo, mungia hari mwa uaminifu, tsena muremwa muhuri ha iRoho Ndzitwaharifu yaka yatolwa wahadi.

MAEFESO 2:22

Ɗe hari mwa uv̄umoja na waye, ɗe wanyu wajau mwaundrwa v̄umoja, pare muke makazi ya Mungu ayaketsiao ha iRoho.

MAEFESO 3:17

amba ha uaminifu Kristi aẽshi rohoni hanyu, na tsena amba musise mizi na uketsi hodari hari mwa itrongo ya uv̄endza,

MAFILIPI 1:19

mana nisujua amba iyo itsoniv̄ingia uhuyifu ha mamilio yanyu, na ha umusada wa iRoho ya Insa-Kristi.

2 TIMUTAUSU 1:14

Sika ha iRoho Ndzitwaharifu iẽshio hatru iãkiɓa ndjema wadhwaminishiwayo.

1 MONYE 1:11

Wakozunguha wajuwe amba wakati trini, na ha namuna jeje zitsohidjirio zitrongo zarongolwa na iRoho ya Kristi yaka hawoju, Roho ilio amba ijudza rangu kaɓula matungu ya Kristi na utukufu wakoja uɗunge v̄av̄o.

1 YUHANI 3:24

Uwo aɗungao ãmuri zahe, uka hari mwa uv̄umoja na Mungu, na Mungu na waye. Na wasi ujua amba a hari mwa uv̄umoja na wasi ha iRoho ariv̄ayo.

1 YUHANI 4:13

Ha ini risujua amba ra hari mwa uv̄umoja na Mungu, na waye na wasi, ɗe iv̄o ilio amba ariv̄a fuvu hari mwa iRoho yahe.

1 YUHANI 4:4

Wanyu wana wangu, wanyu wa shi Mungu, tsena mushindri wale, mana Uwo alio moni hanyu, muɓole raha na ule alio moni na ulemengu.

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

MUV̄ENULIO 20:15

Mutru yotsi kaparihana amba aangihwa moni na ishio ya uhayati, avutswa moni na lidzaha la moro.