MAROMU 8:8 - Ha`bari Ndjema ya I Maore

⁸ Tsena, wao watawaliwa na ihali ya shiuɓinadamu kawashindri umujiv̄idza Mungu.

MAROMU 8:8 ပူးပေါင်းရင်းမြစ်များ

MATIYO 3:17

Sa ile v̄ulawa ji mbinguni, lirongoa: «Unu ɗe uMwana muv̄endzewa wangu, tsena wami ujiv̄iwa halisi na waye.»

YUHANI 3:3

Sa ile Insa amudjiɓu: «Nisuhuambia ha kweli, neka mutru kadzalwa mara yangina raha, kashindri uona Utawalizi wa Mungu.»

YUHANI 8:29

Uwo aniv̄eleha, a na wami. Kanilisha weke, mana ha daima, wami ufanya izo zimujiv̄iao.»

MAROMU 1:21

Mana ata ha iv̄o wamujua Mungu, ne kawamutukuza amba Mungu, wala kawamuhimidia, ɓadi walatsiha hari mwa fikira kazina mana zawo na inafusi yendza ujinga yawo ifinikiha na shidza.

MAROMU 7:5

Mana wakati raka ratawaliwa na zitaɓia za shi unadamu zatru, zingushauku za ufanya dhambi zitsongeshewao na iSharia zakoruma ziga za umwili watru, ha namuna amba rakotoa mavuna yav̄ingao hari mwa ufa.

MAROMU 8:9

Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

1 MAKORINTIYO 7:32

Natsov̄endza ike amba kamusina taãɓu. Mutru kasi hari mwa ndrolo, udzishuhulisa na trongo za Raɓi, na inamuna ya umujiv̄idza Raɓi.

MAFILIPI 4:18

Tsipara piya, ata ha uzidishiha. Tsitoshea iv̄o napara ha Eɓafroditi izo zalawa hanyu, mauri marashi yendza harufu ndzuzuri, sadaka likuɓaliwao na Mungu, tsena limujiv̄iao.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAKOLOSIYA 3:20

Wanyu wana, namutuĩ wadzaɗe wanyu hari mwa piya, mana iyo umujiv̄ia Raɓi.

1 MATESALONIKA 4:1

Yaɓaki v̄anu wananya wa shi uaminifu, mupara ulawa na wasi namuna jeje ya udziv̄inga na umujiv̄ia Mungu, na iyo ɗe itrongo muifanyao. Av̄asav̄anu ɓasi, risumumiani na umutriani ɓari ha uv̄umoja na Raɓi Insa, namuendreleye raha ha uzidisha.

MAHEƁRANIYA 13:16

Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.

MAHEƁRANIYA 13:21

namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

1 YUHANI 3:22

Yotsi rimiao, wasi uipara na waye, mana risusika ãmuri zahe, amwesa risufanya zimujiv̄iao.