MAROMU 8:7 - Ha`bari Ndjema ya I Maore

⁷ Fikira za ihali ya shiuɓinadamu, izo uwana kinyume na za shi Mungu, mana monyewe ukanazo katuĩ iSharia ya Mungu, wala kashindri ata hata uituĩ.

MAROMU 8:7 ပူးပေါင်းရင်းမြစ်များ

MATIYO 12:34

Wanyu kaɓila za nyoha za peu! Ha namuna jeje mutsoshindrao murongowe trongo ndjema, waovu namuna mulio? Mana ɗe ha uwengi ulio rohoni, ɗe hanyo ilaguao.

MATIYO 5:19

Ɓasi monyewe uvundza wala ukana ɗe ititi ya ziãmuri, na usomedza uwanadamu wafanye ɗe wizo-wizo, atsoka ɗe umuv̄ungufu hari mwa Utawalizi wa Monyewe ziMbingu. Ɓadi uwo aziɗungao na uzisomedza, atsoka ɗe umuhu hari mwa Utawalizi wa Monyewe ziMbingu.

YUHANI 7:7

Dunia kalishindri muengani, ɓadi wami, lilo unienga, mana nisulilawia ushahidi amba zitrendro zalo za peu.

MAROMU 1:28

Ɓaanda kawatsaha wamujua Mungu, Mungu awajeledza hari mwa fikira mbovu zawo, wafanye zilio amba kazalazimu.

MAROMU 1:30

usingidziana trongo za peu, waengefu-Mungu, wafudhuli, udziona, na udzirendra; wao utrunga mbovu, wala kawastehi wadzaɗe wawo.

MAROMU 3:31

Hali v̄av̄o, risulalusa iSharia ha siɓaɓu ya uaminifu? Ata hata! Ɗe ikinyume, v̄av̄o risuhakikisha iSharia.

MAROMU 5:10

Mana neka amba wakati raha raka maãduwi wa Mungu, riparanisiwa na waye ha ndzia ya ufa wa uMwana wahe, ɓasi izidi urahara amba iv̄o raparanisiwa, ritsohuyiwa ha uhayi wahe.

MAROMU 7:22

Mana moni na umo wangu, wami ujiv̄iwa na iSharia ya Mungu.

MAROMU 8:4

ile pare ihaki yatsahwa na iSharia itsimidzihe hatruju, wasi rilio amba karisuɗunga maendreleo ya hali ya shiuɓinadamu, ɓadi ya shi Roho.

1 MAKORINTIYO 2:14

Ɓadi mwanadamu nyama-nyama kashindri ukuɓali trongo zahusu iRoho ya Mungu. Mana haheju izo ujinga, tsena kashindri uzijua, mana izo unamulwa ha iRoho.

1 MAKORINTIYO 9:21

Ha wao walio ɓila iSharia tsika mauri mutru kasina iSharia, wakati ulio amba wami ha wami kaisi amba tsisina iSharia ya Mungu, ɓadi tsitawaliwa na iSharia ya Kristi. Trongo ini tsiifanya, ile nipare wao walio ɓila iSharia.

MAKOLOSIYA 1:21

Na wanyu mulio amba nyumeni hule muka mutengeha, tsena muka maãduwi ha zifikira zanyu na zitrendrwa mbovu zanyu,

MAKOLOSIYA 2:18

Musudzilishe mwarav̄wa ushindrifu na mutru yotsi adzijiv̄idzao ha uwekevu wa trambo na ĩɓada ya malayika; mutru namuna iyo udzihetsi hari mwa izo aonao, na udziɓua tu ɓure-ɓure ha fikira za shiuɓinadamu zahe.

2 TIMUTAUSU 3:4

wahaini, wakaidi, watsodziona, watsov̄endza masterehi rahana Mungu.

MAHEƁRANIYA 8:10

Ne ɗe tsunu umukataɓa nitsoufungao na umuraɓa wa Israila ɓaanda ya suku zizo, asurongoa Mola. Nitsotria Sharia zangu fikirani hawo, nitsoziangiha rohoni hawo. Nitsoka Mungu wawo, amwesa watsoka umati wangu.

YAKOƁU 4:4

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.

2 MONYE 2:14

Matso yawo yajaya uzindzi, wao kawakura maãswi. Wao usika hari mwa utra wale kawasi wahodari fikirani. Roho zawo hodari hari mwa uv̄endza upara. Wao malaãnifu!