MAROMU 8:3 - Ha`bari Ndjema ya I Maore

³ Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAROMU 8:3 ပူးပေါင်းရင်းမြစ်များ

MARKUSI 15:27

V̄umoja na waye v̄uremwa mizumari warav̄izi waili hari mwa miri ya pawa, moja humeni, na umoja potroni. [

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 9:24

Ɓas, Mafarisayo yahiri mara ya v̄ili mutru ule aka mufa-matso, wamuambia: «Lav̄a na Mungu amba utsorongoa kweli. Risujua amba mutru uwo muãswifu.»

MAV̄INGIZI-RISALA 13:39

Na ha waye tsena ɗe kula mutru aaminio uhakishiwa na piya zilio amba ha ndzia ya iSharia ya Musa, kamwashindra mwahakishiwazo.

MAROMU 3:20

Kweli amba kav̄u ata mutru atsohakishiao mbeli za Mungu ha zizitrendro zatsahwa na iSharia. Mana iSharia, iyo uonesa lidhambi ɓas.

MAROMU 6:6

Risujua amba utru watru wa ãswili uremwa mizumari v̄umoja na waye hari mwa umuri wa pawa, ile itaɓia ndziãswifu yatru iangamidziwe, rasuke tsena warumwa wa dhambi.

MAROMU 7:18

Nisujua amba kav̄u ndjema ilio moni hangu, yaãni v̄av̄o, hari mwa ihali ya shiuɓinadamu yangu. Kweli amba inia ya ufanya ndjema ya v̄av̄o, ɓadi ushindzi wa uifanya ɗe kav̄u.

MAROMU 8:32

Waye alio amba kamuɓalia uMwana wahe monyewe, ɓadi amutoa ha faida ya wasi piyasi, ɓasi ha namuna jeje katsoridjaãlia wajau piya v̄umoja na waye?

MAROMU 9:3

Natsov̄endza wami yangu nilaãnishihe, niɓaushane na Kristi ha tanafu ya wananyangu, wao wa ikaɓila yangu uv̄andre wa shiuɓinadamu,

2 MAKORINTIYO 5:21

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

MAGALATWIYA 3:13

Kristi waye arikomboa na ilaãna ya iSharia ha ufanyiha laãna ɓadala yatru. Mana v̄uangihwa: «Alaãnishiha mutru yotsi alembedzewa hari mwa muri.»

MAGALATWIYA 3:21

Hali v̄anu iSharia isendra kinyume na zinguwahadi za Mungu? Ata hata! Na djeli v̄uka v̄utolwa Sharia ishindrao iv̄inge uhayati, v̄av̄o umuhakisho ha Mungu watsoja na iSharia.

MAFILIPI 2:7

ɓadi adzitsuliawo waye monyewe ha udzifanya murumwa, ha urendreha mufano wa wanadamu; mutru amomuona, akoona mwanadamu.

MAHEƁRANIYA 10:12

Ɓadi waye, ɓaanda atolea sadaka moja tu ha yamadhambi, aketsi ha daima humeni ha Mungu.

MAHEƁRANIYA 10:14

mana ha sadaka moja tu, akamilisha ha daima wao watwaharishiwao.

MAHEƁRANIYA 2:14

Ɓasi ha iv̄o wana wanu walio mwili na damu, waye wajau afanyiha mauri wao, arenge fuvu hari mwa ihali yawo ya shiuɓinadamu, ile ha ufa wahe, aangamidze uwo aliona ushindzi wa ufa, ne ɗe Iɓilisa,

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAHEƁRANIYA 4:15

Mana karisina Mutolezi-Masadaka Muɓole kaelewa ulemevu watru; aka adjereɓiwa hari mwa piya zitrongo mauri ɗe wasi, ɓadi kaãswi.

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.