MAROMU 8:27 - Ha`bari Ndjema ya I Maore

²⁷ Na Monyewe aonao zilio moni na umo asujua zinia za iRoho, mana ɗe ha uɗunga yamav̄endzeleo ya Mungu ɗe imiliao watwaharifu.

MAROMU 8:27 ပူးပေါင်းရင်းမြစ်များ

MATIYO 6:8

Musufanye mauri ɗe wao, mana Ɓaɓanyu asujua zamulazimuni, kaɓula wanyu umumia.

LUKASI 16:15

Ɓadi Insa awaambia: «Wanyu watru watsahao waonehane amba warahara mbeli za wanadamu, ɓadi Mungu ujua roho zanyu. Mana iyo iliona sheo mbeli za uwanadamu, ilaãnishiha mbeli za Mungu.»

YUHANI 14:13

Na yotsi mutsoimiao ha lidzina langu, nitsoifanya, ile pare Ɓaɓa atukuziwe ha uMwana.

YUHANI 21:17

Amuambia ha mara ya raru: «Simoni, mwana wa Yunasi, usuniv̄endza?» Sa ile Monye aremwa na huzuni iv̄o amudzisa ha mara ya raru: «Hali usuniv̄endza?» Amudjiɓu: «Raɓi, wawe ujua piya trongo. Usujua amba nisuhuv̄endza.» Insa amuambia: «Tsunga maɓariɓari yangu.

MAV̄INGIZI-RISALA 1:24

Amwesa wamia Mungu zini: «Mwalatru, wawe ujuao zilio rohoni ha piya wanadamu, rionese hari mwa watru waili wao uwo wamutsahua,

MAV̄INGIZI-RISALA 15:8

Na Mungu ajuao ziroho, adhiɓitisha amba awakuɓali ha uwav̄a iRoho Ndzitwaharifu, mauri ɗe wasi.

MAROMU 8:34

Mbani ɗe atsowanamuao na kosa? Kristi-Insa ɗe afa, na zaidi ya iyo, aregezewa hayi, a humeni ha Mungu, na waye asurimilia.

MAROMU 8:6

Ushahilifu wa fikira za ihali ya shiuɓinadamu uv̄inga hari mwa ufa, ɓadi ushahilifu wa fikira za iRoho uv̄inga hari mwa uhayati na utrulivu wa roho.

MAEFESO 2:18

Kweli amba ha ndzia yahe wasi waili risujua rimukuruɓia Ɓaɓa, ha Roho moja wiyo-wiyo.

1 MATESALONIKA 2:4

Ɓadi iv̄o ilio amba Mungu ɗe arikuɓali aridjukumise iIndjili, wasi risulagua tsi amba rijiv̄idze wanadamu, ɓadi rimujiv̄idze ɗe Mungu atundao zilio rohoni hatru.

MAHEƁRANIYA 4:13

Kav̄u shiumbe yamudzamishia: piya zitru za wadzi-wadzi matsoni ha Uwo alio amba irilazimu ridzieledze.

YAKOƁU 5:16

Ɓasi namukuɓaliane madhambi yanyu wanyu na wanyu, tsena mumiliane Mungu wanyu na wanyu, ile pare muangale. Mumilio-Mungu wa mutuĩvu, uwo na ushindzi muhodari wa urendra.

MUV̄ENULIO 2:23

Nitsoangamidza wana wahe ha uwaula. Na piya ziDjama Ndziwaminifu zitsojua amba wami ɗe nitsungiyao zifikira na ziroho, tsena nitsov̄a kula moja hari mwanyu ulawana na zitrendro zahe.