MAROMU 8:19 - Ha`bari Ndjema ya I Maore

¹⁹ Mana ziumbe piya zisulindra na hamu uwakati wa umuv̄enulio wa uwana wa Mungu.

MAROMU 8:19 ပူးပေါင်းရင်းမြစ်များ

MATIYO 5:9

Furaha ha wao watriao amani, mana watsohiriwa wana wa Mungu.

YUHANI 1:12

Ɓadi ha piya wao wamukuɓali, ha wao wamuaminio, awav̄a ushindzi wa ufanyishiha wana wa Mungu

MAV̄INGIZI-RISALA 3:21

Waye Uwo ɗe alazimu aɓaki pev̄oni ata mupaka ɗe wakati wa umurengeledzeo mukamilifu wa zitrongo, ule Mungu aujudza ha yamarongozi ya yimitrume mitwaharifu yahe.

MAROMU 8:14

ha iv̄o ilio amba piya wao wav̄ingwao na iRoho ya Mungu, wa wana wa Mungu.

MAROMU 8:16

iRoho wiyo-wiyo isutolea ushahidi iroho yatru amba wasi wana wa Mungu.

MAROMU 8:18

Nisuona amba hali yotsi utsokao utungu wa wakati unu, kawastahiki ufanisiwa na utukufu utsov̄enuliwao hatruju.

MAROMU 8:23

Wala tsi wizo tu ɓasi, ɓadi wasi wajau riliona yamavuna ya handra ya iRoho, wasi wajau risuulula moni hatru, ha ulindra itrongo ya ufanyiha wana, ha ukombofu wa umwili watru.

MAROMU 9:26

Na tsena: «V̄ahanu v̄ale wakoambilwa: ‹Wanyu tsi umati wangu›, ɗe v̄ahanu kamwe watsohiriwao: ‹Wana wa Mungu alio hayi.› »

1 MAKORINTIYO 1:7

Ha izo, wanyu kamwakosewa na neema itsokao yotsi hari mwa umulindrilio wanyu wa umuv̄enulio wa Raɓi watru Insa-Kristi.

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

2 MAKORINTIYO 6:18

«Wami nitsoka Ɓaɓanyu, na wanyu, hanguju mutsoka wana watruɓaɓa na watrumama, asurongoa Mola Monyewe ushindzi.»

MAGALATWIYA 3:26

Mana ha ndzia ya uaminifu, mwa piyanyu wana wa Mungu ha uv̄umoja wanyu na Kristi-Insa.

MAFILIPI 1:20

Trongo naiv̄a matso ha kusudi niitumainiao, ɗe amba tsitsoona haya na itsokao yotsi, ɓadi nike na uhodari watsimu, amba rangu av̄asa ata ha daima, Kristi atsotukuziwa mwilini hangu, neka tsa hayi, au neka tsifu.

MAKOLOSIYA 3:4

Wakati Kristi alio uhayati wanyu atsov̄enuhao, v̄av̄o wanyu wajau mutsov̄enuha v̄umoja na waye hari mwa utukufu.

MAHEƁRANIYA 12:27

Marongozi yanu amba «mara moja raha», yao yasurongoa amba izo zagudzusiha, ne ɗe izo zaumbwa, zitsotolwa, ile zizo kazigudzusiha ziɓaki.

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi

1 YUHANI 3:1

Namuone ɓasi uv̄endza jeje Ɓaɓa arineemesha, ata rihiriwe wana wa Mungu. Na iyo ɗe rilio. iMana ata ulemengu kausurijua, ɗe iv̄o kawamujua.

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.

MUV̄ENULIO 21:7

Uwo ashindra, atsoarithi trongo zini. Nitsoka Mungu wahe, na waye atsoka mwana wangu.