MAROMU 8:18 - Ha`bari Ndjema ya I Maore

¹⁸ Nisuona amba hali yotsi utsokao utungu wa wakati unu, kawastahiki ufanisiwa na utukufu utsov̄enuliwao hatruju.

MAROMU 8:18 ပူးပေါင်းရင်းမြစ်များ

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

MAROMU 8:19

Mana ziumbe piya zisulindra na hamu uwakati wa umuv̄enulio wa uwana wa Mungu.

MAKOLOSIYA 3:4

Wakati Kristi alio uhayati wanyu atsov̄enuhao, v̄av̄o wanyu wajau mutsov̄enuha v̄umoja na waye hari mwa utukufu.

2 MATESALONIKA 2:14

Ɗe ha izo tsena ɗe amuhirani ha indzia ya Indjili yatru, ile mupare utukufu wa Raɓi watru Insa-Kristi.

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

MAHEƁRANIYA 11:35

V̄wa watrumama wapara wafu wawo ha muregezeo hayi. Ɓadi wasalia watreswa ɓila kawakuɓali ukombofu, ile wapare muregezeo hayi mwema zaidi.

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MONYE 5:1

Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.