MAROMU 8:13 - Ha`bari Ndjema ya I Maore

¹³ Mana neka musuẽshi ha uɗunga ihali ya shiuɓinadamu, mutsofa; ɓadi neka ha iRoho musuula zitaɓia za mwili, v̄av̄o ɓasi mutsoẽshi,

MAROMU 8:13 ပူးပေါင်းရင်းမြစ်များ

MAROMU 6:21

Mavuna mwakopara trini, iv̄o mwakofanya trongo zilio amba musuzionea haya leo? Mana mwiso wazo ɗe ufa.

MAROMU 6:23

Mana muliv̄o wa dhambi ɗe ufa, ɓadi ineema yadjaãliwa na Mungu ɗe uhayati mukamilifu wa daima hari mwa uv̄umoja na Kristi-Insa, Raɓi watru.

MAROMU 7:5

Mana wakati raka ratawaliwa na zitaɓia za shi unadamu zatru, zingushauku za ufanya dhambi zitsongeshewao na iSharia zakoruma ziga za umwili watru, ha namuna amba rakotoa mavuna yav̄ingao hari mwa ufa.

MAROMU 8:12

Ɓasi ha izo wananyangu, rina deni, ɓadi tsi ɗe mbeli za ihali ya shiuɓinadamu ata ralazimu riẽshi ha uɗunga ihali ya shiuɓinadamu.

1 MAKORINTIYO 9:27

Ha kinyume nisuruma mangavu umwili wangu, nisuufanya amba murumwa, ile ɓaanda naĩdhia wasalia, isuke amba tsiharaliwa.

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAGALATWIYA 6:8

Mana monyewe utaɓu ha shiuɓinadamu yahe, atsovuna za shiuɓinadamu, ne ɗe uangamifu; ɓadi monyewe utaɓu ha iRoho, atsovuna za iRoho: uhayati mukamilifu.

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

MAEFESO 4:30

Musutriye huzuni iRoho Ndzitwaharifu ya Mungu, iRoho ilio amba ha wiyo muremwa muhuri wa isuku ya ukombofu.

MAEFESO 5:18

Mwasudzileze na ushi: uwo uv̄inga hari mwa uangamifu; ɓadi ha kinyume, namujaye na iRoho.

TITUSA 2:12

Iyo urisomedza uhara ushirikina na zingushauku za lidunia lini, na uẽshi wakati wa leo unu ha namuna ndzielevu, ya haki, tsena ya shiĩɓada,

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 2:11

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu.