MAROMU 8:11 - Ha`bari Ndjema ya I Maore

¹¹ Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

MAROMU 8:11 ပူးပေါင်းရင်းမြစ်များ

YUHANI 14:17

Ɗe iRoho ya ukweli amba ulemengu kaushindri waikuɓali, mana kawasuiona, wala kawasuijua. Ɓadi wanyu musumujua, mana waye asuɓaki na wanyu, amwesa atsoka moni hanyu.

YUHANI 5:21

Mana mauri ɗe inamuna Ɓaɓa aregezao hayi watru wafa, awav̄ao uhayati, ɗe inamuna uMwana av̄ao uhayati uwo atsahao.

MAV̄INGIZI-RISALA 2:24

Ɓadi Mungu amutratrua hari mwa zingwe sa mauti, amuregeza hayi, mana kayaka trongo mukinishiha waye uziwa na ufa.»

MAROMU 16:10

Namumusalimu Aɓalus alio amba uaminifu wahe na Kristi udjereɓilwa, tsena udhiɓitishiha amba wa kweli. Namusalimu watru wa udjama wa Aristoɓulusu.

MAROMU 16:3

Namusalimu Priskila na Akila walio v̄umoja na wami ha umurumishia Kristi-Insa.

MAROMU 16:7

Namuwasalimu Andronikusu na Yuniyusa walio hari mwa udjama wangu, na tsena waka wanyangu shiv̄ani. Wao ustehiwa ha kusudi hari mwa yaMav̄ingizi-Risala|Mav̄ingizi-Risala, amwesa wamuamini Kristi kaɓula ya wami.

MAROMU 16:9

Namumusalimu Uruɓayinusa alio v̄umoja na wasi ha umurumishia Kristi, na Stahisa, mwandzani wa roho wangu.

MAROMU 6:12

Ɓasi musulishe dhambi latawalia yimili yanyu yitsofao, mwatuĩ zingushauku zayo.

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

MAROMU 8:12

Ɓasi ha izo wananyangu, rina deni, ɓadi tsi ɗe mbeli za ihali ya shiuɓinadamu ata ralazimu riẽshi ha uɗunga ihali ya shiuɓinadamu.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

MAROMU 8:9

Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

1 MAKORINTIYO 15:16

Kweli amba neka wafu kawasuregezewa hayi, v̄av̄o Kristi wajau karegezewa hayi.

1 MAKORINTIYO 6:14

Ɓasi Mungu amuregeza hayi Raɓi ulawa ufaju, atsoriregeza hayi ulawa ufaju wasi wajau, ha ushindzi wahe.

2 MAKORINTIYO 4:11

Mana wasi rilio hayi, ha daima risuv̄elehwa hari mwa hatwari ya ufa ha siɓaɓu ya Insa, pare uhayati wa Insa wajau uv̄enuhe hari mwa umwili mufa watru.

2 MAKORINTIYO 4:14

Mana risujua amba Uwo amuregeza hayi Raɓi Insa, atsoriregeza hayi wajau hari mwa uv̄umoja na Insa, tsena atsoritekeleza v̄umoja na wanyu mbeli zahe.

2 MAKORINTIYO 5:4

Ɓaanda rilio hari mwa liɓanga la haima la shi ulemenguni lini, risuulula ha udziro wa umudzo rautrika, wala tsi amba risutsaha ritsulwewo, ɓadi ripindrisiwe inyumba ya pev̄oni ile, pare ile ilio mufa, imedzwe na uhayati.

MAGALATWIYA 6:8

Mana monyewe utaɓu ha shiuɓinadamu yahe, atsovuna za shiuɓinadamu, ne ɗe uangamifu; ɓadi monyewe utaɓu ha iRoho, atsovuna za iRoho: uhayati mukamilifu.

MAEFESO 2:5

wasi raka rafa ha yamahosa yatru, ariẽshisa v̄umoja na Kristi. Ɓasi ha rehema ɗe mwahuyiwa.

MAFILIPI 3:21

alio amba atsogaudza mwili muv̄ungufu watru, aufanye mutukufu mauri ɗe wahe mwili, ha ushindzi umuruhusuo ahetsi zitru piya utsini na yezi yahe.

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

MUV̄ENULIO 1:18

Uwo alio hayi. Tsifu, na tsami tsa hayi mida ha mida, amwesa tsina yimifunguo ya ufa na ya Uzimu wa wafu.

MUV̄ENULIO 11:11

Ɓadi ɓaanda ya suku traru wa nusu zile, roho ya uhayati yalawa ha Mungu iwangilia, wahimi ha yimindru yawo. Ɓasi faza ɓole isiki wale wakowaona.