MAROMU 7:6 - Ha`bari Ndjema ya I Maore

⁶ Ɓadi av̄asa riɓuliwa mbeli za iSharia, mana rifu ha itrongo ile yakorifunga, ha namuna amba av̄asa risumurumishia Mungu ha utawalizi muv̄ia wa iRoho, ɓadi tsi ɗe ha indzia ya utawalizi wa hale, ne ɗe iSharia yaangihwa.

MAROMU 7:6 ပူးပေါင်းရင်းမြစ်များ

MAROMU 1:9

Mungu nimurumishiao rohoni hangu ha ujudza iIndjili ya uMwana wahe, a shahidi wangu amba ha daima wami umumiliani.

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

MAROMU 6:11

Ɗe ha inamuna iyo wanyu wajau, namudzihetsiye mauri uhusu dhambi mufu, tsena mauri mwa hayi ha Mungu ha uv̄umoja wanyu na Kristi-Insa.

MAROMU 6:19

Nisulagua shi unadamu, ha siɓaɓu ya udziro wa uelewa wa shiuɓinadamu wanyu. Mauri ɗe inamuna mwaka mwafanya ziga za umwili wanyu warumwa wa tsama na upeu uengedzehao ha upeu, v̄av̄o namufanye av̄asa ziga zanyu warumwa wa ihaki iv̄ingao hari mwa utwaharifu.

MAROMU 6:2

Ata hata! Yahusu dhambi, wasi rifu. Ɓasi v̄av̄o ha namuna jeje ritsoẽshio raha moni mwalo?

MAROMU 6:22

Ɓadi av̄asa mukombolwa na ushindzi wa dhambi, mufanyiha warumwa wa Mungu; mavuna mulionayo ɗe utwaharifu, na umwiso ɗe uhayati mukamilifu wa daima.

MAROMU 6:4

Hari mwa umuɓaĩsho|uɓaĩsha wa ufa uwo, v̄av̄o ridzihwa v̄umoja na waye, ile pare mauri ɗe inamuna Kristi aregezewa hayi ha ulawa hari mwa ufa ha utukufu wa Ɓaɓa, wasi wajau rikane maendreleo ya uhayati muv̄ia.

MAROMU 7:1

Wananyangu, afa kamusujua amba iSharia utawalia mutru tu v̄ale alio hayi? Mana v̄anu nisulagua na watru wajuao iSharia.

MAROMU 7:2

Ha mufano, iSharia iyo ufungamanisa mutrumushe na mume wahe piya wakati mutrumume ule alio hayi; ɓadi neka umutrumume afu, v̄ale umutrumushe aɓuliwa na iSharia yakomufungamanisa na mutrumume wahe ule.

MAROMU 7:4

Ɗe ha inamuna iyo wanyu wajau wananyangu: mufu mbeli za iSharia ha uv̄umoja wanyu na umwili wa Kristi, pare av̄asa muke wa mutru wangina, ule aregezewa hayi ulawa ha uwafu, ile pare rimuv̄ingiye Mungu mavuna.

2 MAKORINTIYO 3:6

Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

MAGALATWIYA 3:13

Kristi waye arikomboa na ilaãna ya iSharia ha ufanyiha laãna ɓadala yatru. Mana v̄uangihwa: «Alaãnishiha mutru yotsi alembedzewa hari mwa muri.»

MAGALATWIYA 6:15

Mana ilio muhimu tsi ɗe amba mutru atahiriwa, au katahiriwa, ɓadi ilio muhimu ɗe uka shiumbe pia.

MAEFESO 4:24

mudzipindrise uutru muv̄ia waumbwa ha mufano wa Mungu, hari mwa uhaki na utwaharifu zijao ha ukweli.

MAFILIPI 3:3

Mana watahiriwa wa kweli ɗe wasi, wasi riãɓuduo ha iRoho ya Mungu, ridzifaharishao hari mwa uv̄umoja watru na Kristi-Insa, tsena rilio amba karisutria tama yatru hari mwa uɓinadamu.

MAKOLOSIYA 3:10

mwadzipindrisa utru muv̄ia ulio amba usendra na ufanyiha muv̄ia hari mwa ujuzi ulinganao na umufano wa Uwo auumba.