MAROMU 7:5 - Ha`bari Ndjema ya I Maore

⁵ Mana wakati raka ratawaliwa na zitaɓia za shi unadamu zatru, zingushauku za ufanya dhambi zitsongeshewao na iSharia zakoruma ziga za umwili watru, ha namuna amba rakotoa mavuna yav̄ingao hari mwa ufa.

MAROMU 7:5 ပူးပေါင်းရင်းမြစ်များ

MATIYO 15:19

Mana rohoni ɗe v̄ulawao fikira za peu, za uula, za uzindzi, za shahawa za peu, za uwidzi, ushahidi wa trambo, na ushirikina,

YUHANI 3:6

Iyo yadzalwa ha mwili, uwo mwili, na iyo yadzalwa ha iRoho, iyo roho.

MAROMU 1:26

Iyo ɗe imana Mungu awajeledza hari mwa shahawa zendza aĩɓu. Washe wawo wagaudza inamuna ya uendrelea ya ãswili ha maendreleo kinyume na inamuna waumbwa.

MAROMU 3:20

Kweli amba kav̄u ata mutru atsohakishiao mbeli za Mungu ha zizitrendro zatsahwa na iSharia. Mana iSharia, iyo uonesa lidhambi ɓas.

MAROMU 4:15

Mana iSharia isuv̄inga ihadhaɓu ya Mungu, na v̄ahali kav̄u Sharia, v̄av̄o kav̄u uvundzifu.

MAROMU 5:20

Na iSharia ingia, pare madhambi yazidi. Ɓadi v̄ahali ilio amba dhambi lizidishiha, ineema ya Mungu izidi uzidishiha,

MAROMU 6:13

Wala musuv̄elehe ziga za mwili zanyu zarumishia dhambi, zarendreha zombo za mbovu. Ɓadi namudziv̄e wanyu-wanyu mumurumishiye Mungu, amba watru mulio hayi mwalawa hari mwa ufa, tsena muv̄e ziga zanyu zike zombo zimurumishiao Mungu, zifanye zilio za haki.

MAROMU 6:19

Nisulagua shi unadamu, ha siɓaɓu ya udziro wa uelewa wa shiuɓinadamu wanyu. Mauri ɗe inamuna mwaka mwafanya ziga za umwili wanyu warumwa wa tsama na upeu uengedzehao ha upeu, v̄av̄o namufanye av̄asa ziga zanyu warumwa wa ihaki iv̄ingao hari mwa utwaharifu.

MAROMU 6:21

Mavuna mwakopara trini, iv̄o mwakofanya trongo zilio amba musuzionea haya leo? Mana mwiso wazo ɗe ufa.

MAROMU 6:23

Mana muliv̄o wa dhambi ɗe ufa, ɓadi ineema yadjaãliwa na Mungu ɗe uhayati mukamilifu wa daima hari mwa uv̄umoja na Kristi-Insa, Raɓi watru.

MAROMU 7:23

Ɓadi nisuona sharia yangina hari mwa ziga za umwili wangu iwanao kinyume na ile ya iãkili yangu, na isharia iyo isunifanya mufungwa wa isharia ya dhambi ilio hari mwa ziga za umwili wangu.

1 MAKORINTIYO 15:56

Na dzinyo liv̄ingao lisumu la ufa, ɗe lidhambi; na ushindzi wa dhambi, ɗe iSharia.

2 MAKORINTIYO 10:3

Kweli amba ra wanadamu, ɓadi karisuwana shiuɓinadamu.

MAGALATWIYA 3:10

Kweli amba wao watriao tama zawo hari mwa uɗunga iSharia, wa hari mwa ulaãnifu, mana v̄uangihwa: «Alaãnishiha mutru yotsi alio amba kasuɗunga ha ukamilifu piya zaangihwa moni na ishio ya iSharia, tsena kasuzitsimidza.»

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAEFESO 2:11

Namunahane ɓasi wanyu mulio amba ha ãswili, wanyu wa nishani zangina muhiriwao «tsi matahiriwa» na wao wadzihirao «matahiriwa», trongo yafanyiwa mwilini ha muhono wa mwanadamu,

MAEFESO 2:3

Na wasi piyasi wajau rika hari mwa ihisaɓu yawo, tsena rakoɗunga zingushauku za shiuɓinadamu zatru, rakofanya mav̄endzeleo ya yimili yatru na ya zifikira zatru; tsena ha ihali ya shiuɓinadamu yatru, rika ristahiki ihadhaɓu, mauri ɗe wasalia.

MAKOLOSIYA 3:5

Ɓasi namuule zitrongo za itaɓia ya shiduniani mulionayo, mauri: uzani, utshafi, taɓia za shahawa, ngushauku mbovu na uv̄endza-upara, ilio sawa na uãɓudu masanamwe.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

YAKOƁU 1:15

Amwesa ushauku wamomirwa, uwo udza dhambi; na lidhambi lamotsimu, udza ufa.

YAKOƁU 4:1

Ulawa hav̄i zikondro, ulawa hav̄i zingumani zikao hari mwanyu? Hali tsi hari mwa zingushauku ziwanao hari mwa ziga zanyu?

1 YUHANI 3:4

Yotsi aãswio, uvundza wajau iSharia; na dhambi, lilo uvundzifu wa Sharia.