MAROMU 7:23 - Ha`bari Ndjema ya I Maore

²³ Ɓadi nisuona sharia yangina hari mwa ziga za umwili wangu iwanao kinyume na ile ya iãkili yangu, na isharia iyo isunifanya mufungwa wa isharia ya dhambi ilio hari mwa ziga za umwili wangu.

MAROMU 7:23 ပူးပေါင်းရင်းမြစ်များ

MAROMU 6:13

Wala musuv̄elehe ziga za mwili zanyu zarumishia dhambi, zarendreha zombo za mbovu. Ɓadi namudziv̄e wanyu-wanyu mumurumishiye Mungu, amba watru mulio hayi mwalawa hari mwa ufa, tsena muv̄e ziga zanyu zike zombo zimurumishiao Mungu, zifanye zilio za haki.

MAROMU 6:19

Nisulagua shi unadamu, ha siɓaɓu ya udziro wa uelewa wa shiuɓinadamu wanyu. Mauri ɗe inamuna mwaka mwafanya ziga za umwili wanyu warumwa wa tsama na upeu uengedzehao ha upeu, v̄av̄o namufanye av̄asa ziga zanyu warumwa wa ihaki iv̄ingao hari mwa utwaharifu.

MAROMU 7:14

Risujua amba Sharia, iyo trongo ya shiroho; ɓadi wami shiumbe mwendza mwili, tsa murumwa wa dhambi.

MAROMU 7:21

Ha izo, tsimaizi isharia ini hanguju: namotsaha nifanye ndjema, mbovu ɗe inijiliao.

MAROMU 7:25

Natukuzihe Mungu, ha ndzia ya Insa-Kristi Raɓi watru! Ha izo ɓasi, ini ɗe iheli nilio: wami-wami ha iãkili yangu, tsa murumwa wa iSharia ya Mungu, na ha ihali ya shiuɓinadamu yangu, murumwa wa isharia ya dhambi.

MAROMU 7:5

Mana wakati raka ratawaliwa na zitaɓia za shi unadamu zatru, zingushauku za ufanya dhambi zitsongeshewao na iSharia zakoruma ziga za umwili watru, ha namuna amba rakotoa mavuna yav̄ingao hari mwa ufa.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

MAGALATWIYA 5:17

Mana shiuɓinadamu una ngushauku kinyume na iRoho, na iRoho ina zilio kinyume na ushiuɓinadamu; zisendra kinyume wizo na wizo, ha namuna amba kamusufanya izo mutsahao.

MAHEƁRANIYA 12:4

Hari mwa ushindrana yanyu kinyume na dhambi, raha kamwakingia ata mwatra damu.

YAKOƁU 3:2

Wasi piyasi ukwala ha namuna nyengi. Neka mutru kasukwala ha urongozi, uwo mutru arahara, ashindrao aziye piya mwili wahe.

YAKOƁU 4:1

Ulawa hav̄i zikondro, ulawa hav̄i zingumani zikao hari mwanyu? Hali tsi hari mwa zingushauku ziwanao hari mwa ziga zanyu?

1 MONYE 2:11

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu.