MAROMU 6:5 - Ha`bari Ndjema ya I Maore

⁵ Kweli amba neka rifanyiha shitru shi moja na waye hari mwa ufa mauri ɗe wahe, v̄av̄o ritsofanyiha tsena shitru shi moja na waye hari mwa umuregezeo hayi mauri ɗe wahe.

MAROMU 6:5 ပူးပေါင်းရင်းမြစ်များ

MATIYO 15:13

Adjiɓu: «Kula shimea kayataɓulwa na Ɓaɓangu alio mbinguni, itsorurumulwa.

YUHANI 12:24

Kweli, nisumuambiani ha kweli, neka mbia yapuliha trotroju kayafa, iyo uɓaki mbia moja tu. Ɓadi neka ifu, iyo uv̄inga mavuna mengi.

2 MAKORINTIYO 4:10

Risuv̄inga daima moni na umwili watru ufa wa Insa, pare uhayati wa Insa uv̄enuhe wajau mwiliju hatru.

MAKOLOSIYA 2:12

Mudzihwa v̄umoja na waye ha umuɓaĩsho|uɓaĩsha, na hari mwa uv̄umoja na waye, muregezewa hayi na waye raha ha uaminifu na ushindzi wa Mungu, alio amba amuregeza hayi ulawa ha uwafu.

MAKOLOSIYA 3:1

Ɓasi ɓaanda mwaregezewa hayi v̄umoja na Kristi, namutsahe trongo za shi uju, v̄ahanu Kristi aketsi humeni ha Mungu.