MAROMU 6:22 - Ha`bari Ndjema ya I Maore

²² Ɓadi av̄asa mukombolwa na ushindzi wa dhambi, mufanyiha warumwa wa Mungu; mavuna mulionayo ɗe utwaharifu, na umwiso ɗe uhayati mukamilifu wa daima.

MAROMU 6:22 ပူးပေါင်းရင်းမြစ်များ

MATIYO 13:40

Ha izo, mauri ɗe inamuna malavu maovu yarurumulwao yavutswao moroju, ɗe inamuna itsokao mwisoni mwa lidunia;

MATIYO 13:43

Wakati uwo watuĩvu watsowala mauri jua hari mwa Utawalizi wa Ɓaɓawo. Mutru aliona makio ya ukia, nakiye!»

MATIYO 19:29

Na mutru yotsi itsokao amba alishi ha siɓaɓu ya lidzina langu nyumba, wananyahe watruɓaɓa na watrumama, ɓaɓahe, mayahe, [mushe wahe], wana wahe, au mazamba, atsopara ata mara miya, atsopara na uhayati mukamilifu wa daima.

MATIYO 25:46

Ɓas, wao watsendra hari mwa ãdhaɓu ya daimani aɓada, ɓadi warahara wale hari mwa uhayati mukamilifu wa daima.»

YUHANI 15:16

Wanyu tsi ɗe mwanitsahua, ɓadi wami ɗe namutsahuani, tsena namuhetsini mwendre muv̄inge mavuna, na mavuna yanyu yaẽshi, pare trongo yotsi mutsomumiao Ɓaɓa ha lidzina langu, amutakaɓaliyeniyo.

YUHANI 15:2

Kula trahi hanguju kalisudza mavuna, waye ulitoa, na kula lidzao mavuna, waye uliav̄usa, pare lizidi udza.

YUHANI 4:36

Monyewe uvuna madza asupara mwadjara, asungulidza mavuna ya uhayati mukamilifu wa daima, pare ule ayelao na ule avunao, wafurahi v̄umoja.

YUHANI 8:32

Mutsojua ukweli, na ukweli uwo utsomukomboani.»

MAROMU 6:14

V̄av̄o dhambi kalitsomutawaliani, mana kamusi utsini na iSharia, ɓadi hari mwa urehema.

MAROMU 6:18

Ɓasi iv̄o mwakombolwa na ushindzi wa dhambi, muja mufanyishiha warumwa wa uhaki.

MAROMU 6:21

Mavuna mwakopara trini, iv̄o mwakofanya trongo zilio amba musuzionea haya leo? Mana mwiso wazo ɗe ufa.

MAROMU 7:25

Natukuzihe Mungu, ha ndzia ya Insa-Kristi Raɓi watru! Ha izo ɓasi, ini ɗe iheli nilio: wami-wami ha iãkili yangu, tsa murumwa wa iSharia ya Mungu, na ha ihali ya shiuɓinadamu yangu, murumwa wa isharia ya dhambi.

MAROMU 7:4

Ɗe ha inamuna iyo wanyu wajau wananyangu: mufu mbeli za iSharia ha uv̄umoja wanyu na umwili wa Kristi, pare av̄asa muke wa mutru wangina, ule aregezewa hayi ulawa ha uwafu, ile pare rimuv̄ingiye Mungu mavuna.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

1 MAKORINTIYO 7:22

Mana umurumwa ahiriwa na Raɓi, waye mwendza unafasi wa Raɓi; ɗe namuna iyo tsena, umwendza unafasi ahiriwa, waye murumwa wa Kristi.

2 MAKORINTIYO 3:17

Na Raɓi, waye ɗe iRoho, tsena v̄ahali iRoho ya Raɓi ilio, ɗe v̄ukao unafasi.

MAGALATWIYA 1:10

Ɓasi av̄asa, hali v̄anu nisutsaha muhakisho wa wanadamu, au wa Mungu? Hali nisutsaha nijiv̄idze wanadamu? Na djeli nakotsaha raha nijiv̄idze wanadamu, tsatsoka murumishi wa Kristi.

MAGALATWIYA 5:13

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

MAGALATWIYA 5:22

Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu,

MAEFESO 5:9

mana mavuna ya heu ɗe kula uwema, uhaki na ukweli.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

MAFILIPI 4:17

Tsi amba nisuzunguha musada; ɓadi iyo niitsahao, ɗe mavuna yazidishihao ha faida yanyu.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

TITUSA 1:1

Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.

YAKOƁU 1:1

Wami Yakoɓu, murumishi wa Mungu amma wa Raɓi Insa-Kristi, ha zingudjama kumi na mbili zatsambadziwa ulemenguni. Salamu ju lanyu.

1 MONYE 1:9

iv̄o muparao ikusudi ya uaminifu wanyu, ne ɗe uhuyifu wa roho zanyu.

1 MONYE 2:16

Namudziv̄inge shi wendza unafasi, ɓila ufanya unafasi wanyu amba shitamba ifinikiao taɓia mbi; mudziv̄inge shi warumwa wa Mungu.

MUV̄ENULIO 7:13

Ɓas moja hari mwa wadzaɗe wale arenge umurongo, anidzisa: «Wale wapindra zinguo ndjeu, wale watru trini, walawa hav̄i?»