MAROMU 6:17 - Ha`bari Ndjema ya I Maore

¹⁷ Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

MAROMU 6:17 ပူးပေါင်းရင်းမြစ်များ

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MAV̄INGIZI-RISALA 28:15

Wakati wananya wa shi uaminifu wa liɗago lile wakia ihaɓari ya umuwaswilio watru, v̄wa waja waripara Ɓazari ya Apiyusu, na wangina hari mwa liɓandza la ziNyumba Traru za Wadjeni. Uwaona yahe, Ɓaulusu amushukuria Mungu, tsena angia ɓari.

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

MAROMU 1:8

Raɓuzi, nisumuhimidia Mwalangu Mungu ha ndzia ya Insa Kristi ha wanyu piyanyu, ha iv̄o uaminifu wanyu usifiwao hari mwa lidunia kamili.

MAROMU 15:18

Mana tsisuɓutu narongoa ata trongo neka tsi ɗe iyo Kristi aifanya ha indzia yangu, ne ɗe uv̄inga watru wa zinishani zangina hari mwa utuĩvu, trongo yafanyiwa ha marongozi na zitrendro,

MAROMU 16:26

ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 2:8

Ɓadi hadhaɓu na hasera ha wao wadzinafasishao, waharao ukweli na uɗunga udhuluma.

1 MAKORINTIYO 1:4

Ha daima nisumuhimidia Mungu ha siɓaɓu ya wanyu na ineema amudjaãlianiyo ha uv̄umoja wanyu na Kristi-Insa.

1 MAKORINTIYO 14:6

Ɓasi av̄asa wananyangu, neka tsimujiliani ha ulagua luha nashukidziwa, nitsomufayidishani na trini? Na yotsi, ɓadi neka nisumujudzani trongo nav̄enuliwayo, au ya hikima, au ya urongozi washukidziwa, au ya musomo.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

MAEFESO 1:16

tsisuzia uhimidia ha siɓaɓu ya wanyu na umuvumbuani hari mwa mamilio yangu.

1 MATESALONIKA 3:9

Ha kiasi jeje rishindrao rimuhimidiye Mungu husuana na wanyu, ha piya ifuraha rilionayo ha siɓaɓu ya wanyu mbeli za Mungu watru?

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

2 TIMUTAUSU 1:13

Ɗunga umufano wa marongozi mema wayakia na wami, ha uaminifu na uv̄endza, ulio hari mwa uv̄umoja na Kristi-Insa.

FILIMUNA 1:4

Nisumushukuria Mungu wangu kula sa namohunahana hari mwa mamilio yangu,

MAHEƁRANIYA 11:8

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

1 MONYE 3:1

Ɗe namuna iyo wanyu watruwashe, namudzituĩse ha waume wanyu, pare neka amba v̄wa waharao utuĩ Urongozi, waparihane ha maendreleo ya watruwashe wawo, ɓila urongozi utsokao yotsi,

1 MONYE 4:17

Mana uwo ɗe uwakati ihukuma ya Mungu iandrisao hari mwa umuraɓa wahe. Na neka hari mwa wasi ɗe iandrisao, v̄av̄o utsoka jeje umwiso wa wao waharao utuĩ iIndjili ya Mungu?

2 YUHANI 1:4

Tsifurahishiha ha kusudi, iv̄o napara ɓaãdhwi hari mwa wana waho walio amba wasuɗunga ikweli, ulawana na iãmuri raipara ha waye Ɓaɓa.

3 YUHANI 1:3

Kweli amba tsijiv̄iwa ha kusudi iv̄o wananya wa uaminifu waja, tsena walawia ushahidi ikweli ulionayo, na inamuna udziv̄ingao hari mwa ikweli.