MAROMU 6:14 - Ha`bari Ndjema ya I Maore

¹⁴ V̄av̄o dhambi kalitsomutawaliani, mana kamusi utsini na iSharia, ɓadi hari mwa urehema.

MAROMU 6:14 ပူးပေါင်းရင်းမြစ်များ

MATIYO 1:21

Atsodza mwana mutruɓaɓa, na wawe utsomuhira Insa, mana waye ɗe atsohuyio umati wahe na madhambi yawo.»

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 1:17

Mana iSharia ika iv̄olwa ha ndzia ya Musa, ɓadi ineema na ukweli zija ha ndzia ya Insa-Kristi.

YUHANI 8:36

Ha izo, neka uMwana amuv̄ani unafasi, v̄av̄o unafasi wanyu utsokamiliha.

MAROMU 11:6

Na neka ha neema, v̄av̄o tsi ulawana na zitrendro. Mana neka tsi ɗe iyo, v̄av̄o ineema kaisi neema tsena.

MAROMU 4:16

Iyo ɗe imana amba wahadi uwo uja ha uaminifu, pare ike amba neema ya Mungu, tsena utsimidzihe ha piya zizilembwe za Iɓrahima, wala tsi tu amba ha wao walio hari mwa iSharia, ɓadi wajau ha wao waliona uaminifu mauri ɗe Iɓrahima, mudzaɗe watru piyasi.

MAROMU 5:17

Mana neka ha likosa la mutru moja ufa utawala ha siɓaɓu ya uwo waye weke, ha mana nyengi zaidi wao wapara uwengi wa ineema na izawadi ya umuhakisho ha Mungu, watsotawalao hari mwa uhayati ha ndzia ya mutru moja, Insa-Kristi.

MAROMU 5:18

Ha izo ɓasi, mauri ɗe iv̄o ha kosa moja hukuma ienea piya wanadamu, ɗe namuna iyo wajau ha shitrendro moja ya utuĩvu, umuhakisho uv̄ao uhayati uenea piya wanadamu.

MAROMU 6:12

Ɓasi musulishe dhambi latawalia yimili yanyu yitsofao, mwatuĩ zingushauku zayo.

MAROMU 6:15

Ɓasi v̄av̄o rirongowe jeje? Rifanye madhambi iv̄o karatawaliwa na iSharia, ɓadi amba ra hari mwa urehema? Ata hata!

MAROMU 8:12

Ɓasi ha izo wananyangu, rina deni, ɓadi tsi ɗe mbeli za ihali ya shiuɓinadamu ata ralazimu riẽshi ha uɗunga ihali ya shiuɓinadamu.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

MAGALATWIYA 3:23

Kaɓula ya uaminifu uja, rika rifungiha hari mwa ugogezi wa iSharia, ata mupaka uaminifu uv̄enulwe.

MAGALATWIYA 4:21

Namuniambiye ɓasi, wanyu mutsahao muke hari mwa utawalizi wa iSharia, hali kamusukia iSharia?

MAGALATWIYA 5:18

Ɓadi neka musuv̄ingwa na iRoho, v̄av̄o kamusi tsena hari mwa utawalizi wa iSharia.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 8:10

Ne ɗe tsunu umukataɓa nitsoufungao na umuraɓa wa Israila ɓaanda ya suku zizo, asurongoa Mola. Nitsotria Sharia zangu fikirani hawo, nitsoziangiha rohoni hawo. Nitsoka Mungu wawo, amwesa watsoka umati wangu.